| e-texts navigator |
| Wylie |
134a1 དང་དོན་དང་ལོངས་སྤྱོད་དང་། ། ཁ་དོག་དང་ནི་འབྱོར་པ་དང་།། ཀུན་ཏུ་གྲགས་དང་ལྡན་པར་འགྱུར།། དེ་ནི་ཚེ་རབས་དྲན་འགྱུར་ཞིང་།། འདོད་ཆགས་ཀྱིས་ཀྱང་འཕྲོགས་མི་འགྱུར།།
134a2 འདོད་པ་རྣམས་ཀྱི་སྐྱོན་ཤེས་ཤིང་།། ཚངས་པར་སྤྱད་པ་སྤྱོད་པར་འགྱུར།། དེ་བཞིན་གཤེགས་པ་མཆོད་བྱས་ན།། གཟུགས་རྣམས་དང་ནི་སྒྲ་དག་དང་།། རོ་རྣམས་ཀྱིས་ཀྱང་མི་ཚུགས་ཤིང་།། སྡིག
134a3 པའི་ལས་ནི་བྱེད་མི་འགྱུར། ། རྣམ་པར་འདྲེན་པ་མཆོད་བྱེད་ན།། དེ་ནི་སྤོས་དང་མེ་ཏོག་གིས།། ནམས་ཀྱང་འཕོངས་པར་མི་འགྱུར་ཞིང་།། དྲན་ལྡན་ཤེས་རབ་ལྡན་པར་འགྱུར།། དེ་བཞིན་གཤེགས་ལ
134a4 སུ་མཆོད་པ། ། དེ་ཡི་ནོར་གྱི་ཕུང་པོ་ལ།། རྒྱལ་པོ་དང་ནི་ཆོམ་རྐུན་དང་།། མེ་དང་ཆུས་ཀྱང་རེག་མི་འགྱུར།། འཇིག་རྟེན་མགོན་པོའི་མཆོད་རྟེན་ལ།། དར་གྱི་དབུལ་བ་སུ་འབུལ་བ།། དེ་ནི་སྐམ་དང་མྱ
134a5 ངན་དང་། ། ནང་བུ་ཅན་དུ་གཞར་མི་འགྱུར།། འཇིག་རྟེན་སྒྲོན་མ་མཆོད་བྱེད་པ།། ཚེ་རབས་དག་ནི་ཐམས་ཅད་དུ།། མྱ་ངན་མེད་ཅིང་གནོད་མེད་དང་།། འཁོར་ལོས་སྒྱུར་བ་འབྱོར་ཆེན་འགྱུར།། འདྲེན
134a6 ལ་མཆོད་པ་བྱས་ན་ནི། ། རྐང་པ་ལག་པ་མཉེན་འགྱུར་ཞིང་།། ཡན་ལག་རྣམ་པར་དག་འགྱུར་ལ།། གཟུགས་དང་ཁ་དོག་ལྡན་པར་འགྱུར།། སྡིག་པའི་ལས་ནི་རྣམ་སྤངས་ཏེ།། བྱང་ཆུབ་སྤྱད་པ
134a7 སྤྱོད་པར་བྱེད། ། གང་དག་འཇིག་རྟེན་རབ་དཀོན་པ།། རྐང་གཉིས་མཆོག་རྣམས་མཐོང་བར་འགྱུར།། བསྐལ་པ་བྱེ་བ་སྟོང་རྣམས་དང་།། ཁྲག་ཁྲིག་དག་ནི་བརྒྱ་བགྲངས་པར།། མཆོད་ཅིང་བདེ་ལ
iiif viewer powered by OpenSeadragon
