| e-texts navigator |
| Wylie |
133b1 པ་རྣམས། ། སུམ་ཅུ་གསུམ་དུ་སྤྱོད་པར་འགྱུར།། ཡན་ལག་བརྒྱད་ལྡན་ཆུས་གང་ཞིང་།། གསེར་གྱི་བྱེ་མ་བདལ་གྱུར་པ།། བཻ་ཌཱུཪྻ་དང་ཤེལ་དག་གི། ལྷ་ཡི་རྫིང་བུ་ཐོབ་པར་འགྱུར།། དེར་ནི་ལྷ
133b2 ཡི་དགའ་སྤྱད་ནས། ། མཁས་པ་ཚེ་ཚད་རྫོགས་པར་འགྱུར།། ལྷ་ཡི་འཇིག་རྟེན་ཤི་འཕོས་ནས།། མི་ནང་ལོངས་སྤྱོད་ལྡན་པར་འགྱུར།། དགེ་བའི་རྩ་བ་དེ་ཉིད་ཀྱིས།། མཁས་པ་བག་ཡོད་གྱུར་ནས
133b3 ནི། ། དེ་བཞིན་གཤེགས་པ་མཉེས་བྱས་ཏེ།། རྐང་གཉིས་མཆོག་ལ་མཆོད་པ་བྱེད།། མཆོད་རྟེན་འཕྲེང་བ་འབུལ་བྱེད་པ།། དེ་ནི་འདོད་ཆགས་མི་འཕྲོགས་ཞིང་།། ཞེ་སྡང་གིས་ཀྱང་འཕྲོགས་མི་འགྱུར།།
133b4 དེནི་ནམས་ཀྱང་རྨོངས་མི་འགྱུར།། རྐང་གཉིས་མཆོག་ལ་མཆོད་བྱས་ན།། དེ་ནི་ཚེ་རབས་ཐམས་ཅད་དུ།། ཆགས་པ་མེད་ཅིང་ཞེ་སྡང་མེད།། བཀྲམ་པ་མེད་ཅིང་དབང་པོ་བསྡམས།། མཆོད་རྟེན་འཕྲེང་བ
133b5 འབུལ་བྱེད་པ། ། ཚེ་རབས་བྱེ་བ་སྟོང་རྣམས་དང་།། ཁྲག་ཁྲིག་དག་ནི་བརྒྱ་བགྲངས་པ།། ཀུན་ཏུ་བཀུར་སྟིར་བྱས་པར་འགྱུར།། མཆོད་རྟེན་འཕྲེང་བ་འབུལ་བྱེད་པ།། དེ་ནི་འཁོར་ལོས་སྒྱུར་བར་འགྱུར།།
133b6 བརྒྱ་བྱིན་ལྷ་ཡི་དབང་ཕྱུག་འགྱུར།། ཚངས་པའི་འཇིག་རྟེན་ཚངས་པར་འགྱུར།། འཇིག་རྟེན་མགོན་པོ་སྐྱོབ་པ་ལ།། དར་གྱི་དབུལ་བ་ཕུལ་བྱས་ན།། ལྷ་ཡི་དག་དང་མི་རྣམས་ཀྱི།། དོན་རྣམས་ཐམས་ཅད
133b7 གྲུབ་པར་འགྱུར། ། དམའ་པའི་རིགས་ནི་རྣམ་སྤངས་ཏེ།། དེར་ནི་དེ་སྐྱེད་འགྱུར་མ་ཡིན།། ཕྱུག་ཅིང་ནོར་ཆེན་ལྡན་པ་དང་།། འཇིག་རྟེན་དབང་ཕྱུག་དེ་འགྱུར་རོ།། དེ་བཞིན་གཤེགས་ལ་མཆོད་བྱས་ན།། གཟུགས
iiif viewer powered by OpenSeadragon
