| e-texts navigator |
| Wylie |
132b1 སེམས་ཅན་རྣམས་འདུད། རབ་ཏུ་འདུད། ཀུན་ཏུ་འདུད་པར་འགྱུར་རོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། འཇིག་རྟེན་སངས་རྒྱས་ཇི་ལྟར
132b2 འགྱུར་ཞེས་མོས་བསྐྱེད་དེ། ། སངས་རྒྱས་མཆོད་རྟེན་ལ་ནི་པུས་མོ་གཉིས་འཛུགས་དང་། སུ་ཞིག་བྱང་ཆུབ་གཞོལ་ནས་ཕྱོགས་རྣམས་ཀུན་འགྲོ་བ།། དེ་འགྲོ་ཚེ་ན་འཇིག་རྟེན་གསུམ་པོ་བདུད་པ་བྱེད།། མི
132b3 རྣམས་གཙོ་བོ་རང་འབྱུང་གང་དུ་འགྲོ་བྱེད་པ། ། དེ་ལོགས་སུ་ནི་རྩཝ་དང་ཤིང་དང་སྡོང་ལྕུག་དང་། སྨན་དང་ཤིང་ལོ་རྣམས་དང་འབྲས་བུ་འདབ་མ་དང་། ཡིད་འོང་དྲི་ལྡན་མེ་ཏོག་རྣམས་ནི་བདུད་པར་འགྱུར།། བཅོམ
132b4 ལྡན་འདས་མཆོད་རྟེན་རྣམས་ལ་པུས་མོ་བཙུགས་པ་ནི། ། དེ་ལ་མི་ཡི་དབང་པོ་ཀུན་ཀྱང་འདུད་པར་འགྱུར།། གནོད་སྦྱིན་དབང་དང་ཀླུ་དང་ལྷ་ཡི་རྒྱལ་པོ་དང་།། ཚངས་པའི་དབང་པོ་ཐམས་ཅད་རྐང་པར
132b5 གཏུགས་པར་བྱེད། ། བཅོམ་ལྡན་མཆོད་རྟེན་རྣམས་ལ་པུས་བཙུགས་ཕྱག་བྱས་ན།། དཔའ་ཞིང་སྟོབས་དང་ལྡན་པའི་འཁོར་ལོས་སྒྱུར་བར་འགྱུར།། གསེར་གྱི་མདོག་ལྡན་མཚན་རྣམས་ཀྱིས་ནི་གོ་ཆར
132b6 འགྱུར། ། མཐུ་ཆེན་བླ་མར་བྱ་ཞིང་ཐུབ་པར་དཀའ་བར་འགྱུར།། དེ་ཡི་ཡུལ་ན་སེམས་ཅན་གང་དག་གནས་གྱུར་པ།། དེ་དག་ཐམས་ཅད་བྱམས་པའི་སེམས་དང་དགའ་བར་འགྱུར།། དེ་ལ
132b7 སེམས་ཅན་གང་ཡང་སྡིག་པ་མི་སྐྱེད་དེ། སྐྱེ་བོ་ཚོགས་ཆེན་དགའ་ཞིང་ཡིད་དུ་འོང་བར་འགྱུར།། བཅོམ་ལྡན་མཆོད་རྟེན་དག་ལ་པུས་བཙུགས་ཕྱག་འཚལ་བ།། དེ་ལ་སེམས་ཅན་ཀུན་གྱི་རྒྱལ་པོ
iiif viewer powered by OpenSeadragon
