| e-texts navigator |
| Wylie |
131b1 པ་ནི། ། བུང་བ་སྔོན་པོ་མཛེས་འདྲ་ཡི།། རྣམ་པར་དག་པའི་མིག་ཐོབ་འགྱུར།། མཆོད་རྟེན་བསྐོར་བ་བྱས་ན་ནི།། དེ་ནི་ངེས་པར་རྟག་ཏུ་ཡང་།། མཐུན་པའི་དོན་ཀུན་ཐོས་འགྱུར་ཞིང་།། དོན་མིན་རྣམས་ནི་སྤངས་པར
131b2 འགྱུར། ། མཆོད་རྟེན་བསྐོར་བ་བྱས་ན་ནི།། མཐུ་དང་སྟོབས་དང་ལྡན་པར་འགྱུར།། དེ་ནི་ལེ་ལོ་མེད་འགྱུར་ཞིང་།། རྟག་ཏུ་བག་ཡོད་ལྡན་པར་འགྱུར།། མཆོད་རྟེན་བསྐོར་བ་བྱས་ན་ནི།། བརྩོན་འགྲུས་བརྟན
131b3 ནིང་མཐུ་བརྟན་ལ། ། བརྟན་ཞིང་རྣམ་པར་གནོན་བརྟན་དང་།། དེ་ནི་མྱུར་དུ་མཁས་པར་འགྱུར།། མེ་དང་དུག་དང་མཚོན་གྱིས་དེ།། ནམས་ཀྱང་འཆི་དུས་བྱེད་མི་འགྱུར།། མཁས་པ་ཚེ་ནི་རྫོགས་རྫོགས་སུ།། ཟད
131b4 པར་བྱས་ནས་འཆི་དུས་བྱེད། ། མཆོད་རྟེན་བསྐོར་བ་བྱས་ན་ནི།། ཕོ་བྲང་འཁོར་དང་ཡུལ་འཁོར་དང་།། གྲོང་བརྡལ་རྣམས་སུ་ལོངས་སྤྱོད་དང་།། གཟུགས་ཀྱི་ཁྱད་པར་འཕགས་པར་འགྱུར།། བྱང་ཆུབ་སྤྱད་པ
131b5 སྤྱོད་པའི་ཚེ། ། དེ་ནི་འདོད་པ་མི་བསྟེན་ཅིང་།། ལུས་ཀྱང་གཙང་ལ་གོས་གཙང་ཞིང་།། གཙང་མའི་ཆོས་ལ་གནས་པར་འགྱུར།། བློ་གྲོས་རྣམ་པར་དག་པ།། བྱང་ཆུབ་སེམས་དཔའི་ཐེག་པ་ལ་ཡང་དག་པར
131b6 ཞུགས་པ་གང་གིས་དེ་བཞིན་གཤེགས་པའི་མཆོད་རྟེན་མཐོང་ནས་དད་པ་བསྐྱེད་དེ། ། པུས་མོ་གཉིས་ཀའི་ལྷ་ང་ས་ལ་བཙུགས་ནས་ཕྱག་འཚལ་ཞིང་ཕྱག་བྱེད་དེ། དེ་བཞིན་གཤེགས་པ་སྐྱེས་བུ་ཆེན་པོའི་མཚན
131b7 སུམ་ཅུ་རྩ་གཉིས་ཀྱིས་སྐུ་ལེགས་པར་བརྒྱན་པ་དེ། ཅི་འདྲ་བར་བདག་གི་ལུས་ཀྱང་དེ་དང་འདྲ་བར་གྱུར་ཅིག་ཅེས་དེ་ལ་མོས་པ་བསྐྱེད་ན། བློ་གྲོས་རྣམ་པར་དག་པ། བསོད་ནམས་ཀྱི་ཕུང་པོ་དེའི་མཐའ་བརྗོད་པར
iiif viewer powered by OpenSeadragon
