| e-texts navigator |
| Wylie |
130b1 བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན། བདུད་དམ་བདུད་ཀྱི་རིས་ཀྱི་ལྷའི་བུ་རྣམས་ཀྱིས་མི་བརྫི་བར་འགྱུར་རོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག
130b2 བཀའ་སྩལ་ཏོ། ། སྲོག་ཆགས་ཀུན་ལ་ཕན་པའི་ཕྱིར།། བྱང་ཆུབ་ཏུ་ནི་སེམས་བསྐྱེད་ནས།། འཇིག་རྟེན་མགོན་གྱི་མཆོད་རྟེན་ལ།། སུ་ཞིག་བསྐོར་བ་བྱེད་པ་ནི།། ཚེ་རབས་དག་ནི་ཐམས་ཅད་དུ།། བྱང
130b3 ཆུབ་སྤྱད་པ་སྤྱོད་པའི་ཚེ། ། དྲན་དང་ལྡན་ཞིང་བློ་གྲོས་ལྡན།། བསོད་ནམས་ལྡན་ཞིང་འཇིགས་མེད་འགྱུར།། མཆོད་རྟེན་བསྐོར་བ་བྱས་ན་ནི། ཚེ་རབས་དག་ནི་ཐམས་ཅད་དུ། ལྷ་དང་ཀླུ་དང་གནོད་སྦྱིན་དང་།
130b4 སྲིན་པོ་རྣམས་ཀྱིས་མཆོད་པར་འགྱུར།། ངས་ནི་གང་དག་བསྟན་པ་ཡིན།། མི་ཁོམ་བརྒྱད་པོ་དེ་དག་སྤོང་།། སངས་རྒྱས་འབྱུང་བ་རབ་མཛེས་པ།། མཉེས་པར་བྱེད་འདི་དལ་བ་གཅིག། མདོག་ལྡན་གཟུགས་ནི་ཕུན
130b5 སུམ་ཚོགས། ། མཚན་གྱིས་ལེགས་པར་བརྒྱན་པ་དང་།། མཐུ་དང་སྟོབས་དང་ལྡན་པར་འགྱུར།། ལེ་ལོ་ཙན་དུ་དེ་མ་འགྱུར།། དེ་ནི་ཕྱུག་ཅིང་ནོར་ཆེར་འགྱུར།། བསོད་ནམས་ལྡན་ཞིང་བརྫི་བ་མེད།། འཇིག་རྟེན
130b6 སྒྲོན་མ་མཉེས་བྱས་ནས། ། ཡང་དང་ཡང་དུ་བསྟི་སྟང་བྱེད།། བདག་མེད་སྟོང་པའི་ཆོས་ཐོས་ན།། དེ་ནི་ཆོས་ལ་རྨོངས་མི་འགྱུར།། མྱུར་དུ་དང་པ་ཐོབ་བམྱུར་ཞིང་།། ཆོས་དོན་ཇི་བཞིན་མཁས་པར་འགྱུར།།
130b7 ཚོང་དཔོན་ཁྱིམ་དང་རྒྱས་པ་དང་།། ཕྱུག་པོ་རྣམས་སུ་སྐྱེ་བར་གྱུར།། དཔའ་ཞིང་སྦྱིན་པའི་བདག་པོར་འགྱུར།། གཏོང་བ་བཏང་ཞིང་སེར་སྣ་མེད།། འཛམ་བུའི་གླིང་ན་གང་ཡང་རུང་།། ཁྱད་པར་ཅན་གྱི་རིགས་མཛེས
iiif viewer powered by OpenSeadragon
