| e-texts navigator |
| Wylie |
350a1 པ་མཆོག་ལ་ཡང་དག་པར་ཞུགས་པ། ཐེག་པ་གཙོ་བོ་ལ་ཡང་དག་པར་ཞུགས་པ། ཐེག་པ་དམ་པ་ལ་ཡང་དག་པར་ཞུགས་པ། ཐེག་པ་ཁྱད་པར་དུ་འཕག
350a2 པ་དང་། རབ་དང་ཕུལ་དང་། བླ་མ་དང་། བླ་མའི་ཡང་བླ་མ་དང་། བླ་ན་མེད་པ་ལ་ཡང་དག་པར་ཞུགས་པ་ཐེག་པ་མཉམ་པ་མེད་པ་ལ་ཡང་དག་པར་ཞུགས་པ། ཐེག་པ
350a3 མི་མཉམ་པ་དང་མཉམ་པ་ལ་ཡང་དག་པར་ཞུགས་པ། ཐེག་པ་བསམ་གྱིས་མི་ཁྱབ་པ་ལ་ཡང་དག་པར་ཞུགས་པ། ཐེག་པ་གཞལ་དུ་མེད་པ་ལ་ཡང་དག་པར་ཞུག་པ་ཤ་སྟག
350a4 གོ། རིགས་ཀྱི་བུ་རྒྱལ་པོ་རྒྱལ་བ་ཐོབ་པ་དེའི་ཚིག་རབ་ལ་ཐེག་པ་ཆེན་པོ་མ་གཏོགས་པར་ཐེག་པ་གཞན་གྱི་མིང་ཡང་མི་གྲག་གོ།། རིགས་ཀྱི་བུ་རྒྱལ་པོ་རྒྱལ་བ་ཐོབ་པ་དེའི་བཙུན
350a5 མོའི་འཁོར་ནི་དགུ་ཁྲི་དགུ་སྟོང་ཡོད་དེ། དེ་དག་ཐམས་ཅད་ཀྱང་ཐེག་པ་གཞན་མ་ཡིན་པ་ལ་ཡང་དག་པར་ཞུགས་པ། ཐེག་པ་ཆེན་པོའི་ཁོངས་སུ་འདུས་པ། ཉིན་མཚན་དུ་ཆས
350a6 དདོད་ཅིང་ཆོས་ལ་དགའ་བ་ཤ་སྟག་གོ། ། རིགས་ཀྱི་བུ་དེ་ནས་རྒྱལ་པོ་དེའི་བཙུན་མོ་དམ་པ་རིན་པོ་ཆེ་དཔལ་ཞེས་བྱ་བ་བྱང་ཆུབ་སེམས་དཔའ་སྡུག་པ་སངས་རྒྱས་དང་། ཆོས་དང
350a7 དགེ་འདུན་ལ་ཡང་དག་པར་ཞུགས་པ། ཐེག་པ་ཆེན་པོའི་ཁོངས་སུ་འདུས་པ། ཉིན་མཚན་དུ་ཆོས་འདོད་པ། ཆོས་ཀྱི་ཀུན་དགའ་ལ་དགའ་བ་ཞིག་ཡོད་དེ། རིགས་ཀྱི་བུ་རིན
iiif viewer powered by OpenSeadragon
