| e-texts navigator |
| Wylie |
349a1 དབང་དུ་མི་འགྱུར་རོ། ། བཅོམ་ལྡན་འདས་ཀྱི་དགོངས་པ་འདི་བཤད་ནས། འཇིག་རྟེན་གྱི་དབང་པོ་དང་། བྱམས་པ་ལ་སོགས་པ་བྱང་ཆུབ་སེམས་དཔའ
349a2 རྣམས་དང་། ཉན་ཐོས་ཆེན་པོ་རྣམས་དང་། ལྷ་དང་མིར་བཅས་པ་དང་། ལྷ་མ་ཡིན་དང་། དྲི་ཟའི་འཇིག་རྟེན་རྣམས་བཅོམ་ལྡན་འདས་ཀྱིས་བཤད་པ་ལ་མངོན་པར་དགའོ།།
349a3 ཐེག་པ་ཆེན་པོའི་མདོ།། ཆོས་རྒྱ་མཚོ་ཞེས་བྱ་བ་རྫོགས་སོ།། །། རྒྱ་ལས་འགྱུར་བ་སྐད་གསར་ཅད་ཀྱིས་གཏན་ལ་མ་ཕབ་པའོ།། །
349a4 རྒྱ་གར་སྐད་དུ། ཨཱརྱ་དྷརྨ་ཨཪ+W་བི་ཙམ་ཡན་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་ཆོས་དང་དོན་རྣམ་པར་འབྱེད་པ་ཞེས་བྱ་བ་ཐེག་པ་ཆེན
349a5 པོའི་མདོ། ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་ལ་དུས་གཅིག་ན་བཅོམ་ལྡན་འདས་མཉན་ཡོད་ན་རྒྱལ་བུ
349a6 རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། བྱང་ཆུབ་སེམས་དཔའི་དགེ་འདུན་ཆེན་པོ་དང་ཡང་ཐབས
349a7 ཅིག་གོ། ། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་ཆེན་པོ་རྒྱལ་བས་དགའ་ལ་བཀའ་སྩལ་པ། རིགས་ཀྱི་བུ་སྔོན་བྱུང་བ་འདས་པའི་དུས་བསྐལ
iiif viewer powered by OpenSeadragon
