| e-texts navigator |
| Wylie |
348b1 ཡིན། གང་གདགས་པ་ཡང་མ་ཡིན།། མི་གདགས་པ་ཡང་མ་ཡིན་པ་དེ་ནི། འཇིག་རྟེན་པ་ཡང་མ་ཡིན། འཇིག་རྟེན་ལས་འདས་པ་ཡང་མ་ཡིན།། གང་འཇིག་རྟེན་པ་ཡང
348b2 མ་ཡིན། འཇིག་རྟེན་ལས་འདས་པ་ཡང་མ་ཡིན་པ་དེ་ནི་བརྗོད་དུ་མེད་པ། གང་བརྗོད་དུ་མེད་པ་དེ་ཅུང་ཟད་ཀྱང་མེད་པ། གང་ཅུང་ཟད་མེད་པ་དེ་ནི། སེམས་ཅན་རྣམས་ཀྱི་བསོད་ནམས
348b3 ཀྱི་ཞིང་། སེམས་ཅན་རྣམས་ཀྱི་བསོད་ནམས་ཀྱི་ཞིང་དེ་ནི་སྟོན་པ། གང་སྟོན་པ་དེ་ནི་རྣམ་པར་མི་རྟོག་པ། གང་རྣམ་པར་མི་རྟོག་པ་དེ་ནི་དམིགས་སུ་མེ་པ་། གང་དམིགས་སུ
348b4 མེད་པ་དེ་ནི་མི་འགྱུར་བ་གྲུབ་པ། གང་མི་འགྱུར་བ་གྲུབ་པ་དེ་ནི་ཡིད་བཞིན་གྱི་ནོར་བུ་རིན་པོ་ཆེ་སྟེ། འདུལ་བའི་སེམས་ཅན་རྣམས་ཀྱི་བསམ་པ་ཐམས་ཅད་ཡོངས་སུ་རྫོགས་པར་བྱ་བའི
348b5 ཕྱིར་ཇི་ལྟར་མོས་པ་ཐམས་ཅད་བྱེད་དོ། ། དེ་ནས་བྱང་ཆུབ་སེམས་དཔའ་མང་པོ་དེ་དག་གིས་ཚིག་མཐུན་པར་སྨྲས་པ། ཆོས་ཀྱི་གཞུང་འདི་གང་ན་སྤྱོད་པའི་ས་ཕྱོག་པ་དེ་རྡོ་རྗེ་ལྟ་བུ
348b6 སྟེ། སངས་རྒྱས་དང་བྱང་ཆུབ་དུ་བྱ་བ་རྣམས་ཀྱི་བཞུགས་པས་ན། སེམས་ཅན་དེ་མྱུར་དུ་མངོན་པར་ཤེས་པ་དང་། དབང་པོ་རྣོན་པོར་འགྱུར་བར་རིག་པར་བྱའོ།། གང
348b7 ཞིག་ཚོགས་ཀྱི་གཞུང་འདི་ལ་བརྗོད་དམ། འཛིན་ཏམ། ཀློག་གམ། ཀུན་ཆུབ་པར་བྱེད་དམ། ཁ་ཏོན་ཏུ་བྱེད་དམ། ཚུལ་བཞིན་ཡིད་ལ་བྱེད་ན། དེ་བདུད་ཀྱི
iiif viewer powered by OpenSeadragon
