| e-texts navigator |
| Wylie |
346a1 བསྙེན་པར་རྫོགས་པ་ཡང་དག་པར་རྫོགས་པ་སྟེ། དེ་ནི་དད་པས་བྱིན་པའི་སྤྱོད་པའི་མཆོད་གནས་སུ་གྱུར་པའོ་ཞེས་གསུངས་པ་དང་། ཀྱེ་རྒྱལ་བའི་སྲས་རྟེན་པའི
346a2 གནས་མེད་ན། དེ་ལ་ཐོབ་པ་གང་ཇི་སྟེ་འཇིག་རྟེན་ལས་འདས་པའི་ཆོས་རྣམས་ཐོབ་པར་འགྱུར་ན། དེ་ནི་དམིགས་པར་གྱུར་པའོ།། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
346a3 པའི་སངས་རྒྱས་ཀྱི་ཆོས་ཉིད་ནི་མི་དམིགས་པ་སྟེ། བཅོམ་ལྡན་འདས་ཀྱིས་ཀྱང་འདི་ལྟར་དགོངས་ནས། འགྲོ་བ་ཐ་དད་པའི་ཆོས་ལས་འདས་ཤིང་འཇིག་རྟེན་ལས་འདས་པའི་ཆོས་ཐོབ་པ
346a4 ནི། དགེ་སློང་ཡང་དག་པར་གྱུར་པ་སྟེ། དད་པས་བྱིན་པ་སྤྱོད་པའི་མཆོད་གནས་སོ།། དེ་ནས་བྱམས་པ་བྱང་ཆུབ་སེམས་དཔས་འཇིག་རྟེན་གྱི་དབང་པོ་བྱང་ཆུབ་སེམས
346a5 དཔའ་ལ་སྨྲས་པ། བཅོམ་ལྡན་འདས་ཀྱིས་ཅི་ལ་དགོངས་ཏེ། བརྩོན་པ་མི་འདོར་བའི་དགེ་སློང་གང་གིས་གཟུགས་མི་འདོར། འཚོར་བ་དང་། འདུ་ཤེས་དང་། འདུ་བྱེད
346a6 དང་། རྣམ་པར་ཤེས་པ་མི་འདོར་བ་དེ་ནི་རབ་ཏུ་བྱུང་བའི་དགེ་སློང་སྟེ། དེ་ནི་དགེ་བར་གསུངས་པའི་ཆོས་འདུལ་བ་ལ་ཤིན་ཏུ་རབ་ཏུ་བྱུང་བར་གྱུར་པས་ན། འདི་ལྟ་བུའི་དགེ་སློང་ནི་དད
346a7 བས་བྱིན་པའི་སྤྱོད་པའི་མཆོད་གནས་སུ་གྱུར་པའོ། ། ཞེས་གསུང་འཇིག་རྟེན་གྱི་དབང་པོས་སྨྲས་པ། ཀྱེ་རྒྱལ་བའི་སྲས་བཅོམ་ལྡན་འདས་ཀྱིས་ཆོས་ཉིད་ལང་གོངས་ཏེ།
iiif viewer powered by OpenSeadragon
