| e-texts navigator |
| Wylie |
345b1 རྟེན་དུ་གཅས་པ་རྣམས་ཀྱི་སྦྱིན་གནས་སུ་གྱུར་པའོ། ། དེ་ནས་བྱམས་པ་བྱང་ཆུབ་སེམས་དཔས་འཇིག་རྟེན་གྱི་དབང་པོ་བྱང་ཆུབ་སེམས་དཔའ་ལ་སྨྲས་པ། བཅོམ་ལྡན་འདས
345b2 ཀྱིས་ཅི་ལ་དགོངས་ཏེ། འགྲོ་བ་ཐ་དད་པའི་ཆོས་ལས་འདས་ཤིང་། འཇིག་རྟེན་ལས་འདས་པའི་ཆོས་རྣམས་ཐོབ་པ་དེ་ནི། དགེ་བར་གསུངས་པའི་ཆོས་དང་འདུལ་བ་ལ་རབ་ཏུ་བྱུང་བ
345b3 གྱུར། བསྙེན་པར་རྫོགས་པའི་ཡང་དག་པར་རྫོགས་པ་ཞེས་གསུངས་གཞན་གང་ཞིག་རབ་ཏུ་བྱུང་ཞིང་བསྙེན་པར་རྫོགས་ཀྱང་བདག་བསླུས་པ་སྟེ། པ་ཝ་ད་ལྟར་བྱི་བ་ཡང་མ་ཡིན
345b4 བྱ་ཡང་མ་ཡིན་པ་བཞིན་དུ་དེ་ནི་ཁྱིམ་པ་ཡང་མ་ཡིན། རབ་ཏུ་བྱུང་བ་ཡང་མ་ཡིན་པས་ན། གླེན་པའི་སྐྱེས་བུ་དེ་དེ་ལྟ་བུའི་ཚུལ་དུ་ཟུང་ཤིག་སྐྱེ་བུ་དམ་པ་འགྲོ་བ་ཐ་དད་པའི་ཆོས་དེ་དག་ནི་སྒྱུ
345b5 མ་ལྟ་བུ་སྟེ། དེ་ལས་འདའ་བར་ཡང་མི་ནུས། འགྲོ་བ་ཐ་དད་པའི་ཆོས་ནི་ཡོངས་སུ་མ་རྫོགས་པས་ན། དེ་ལས་འདའ་བར་ཡང་དཀའ། སེམས་ཅན་གྱི་ཁམས་ནི་ཕྱིན་ཡང
345b6 མེད་ནང་ན་ཡང་མེད་དེ། གཉིས་ཀར་ཡང་དམིགས་སུ་མེད་པས་ན། གང་སེམས་ཅན་གྱི་ཁམས་ཀྱི་དངོས་པོ་དེ་ནི། འགྲོ་བ་ཐ་དད་པའི་ཆོས་ཀྱི་དངོས་པོ་སྟེ། དེ་ལས་འདའ་བ
345b7 ཡང་དཀའ་བ་དེ་ལ། ཀྱེ་རྒྱལ་བའི་སྲས་བཅོམ་ལྡན་འདས་ཀྱིས་འགྲོ་བ་ཐ་དད་པའི་ཆོས་ལས་འདས་ཤིང་། འཇིག་རྟེན་ལས་འདས་པའི་ཆོས་ཐོབ་པའི་དགེ་སློང་དེ་ནི་རབ་ཏུ་བྱུང་བར་གྱུར།
iiif viewer powered by OpenSeadragon
