| e-texts navigator |
| Wylie |
344b1 ཞུས་ཏེ་གཏན་ལ་བབ་པའོ། ། ། བཀའ་འཁོར་ལོ་དང་པོར་གཏོགས་པའོ།། རྒྱ་གར་སྐད་དུ། དྷརྨ་ས་མུ་དྲ་ནཱ་ནཱ་མ་མ་ཧཱ་ཡཱ
344b2 ན་སཱུ་ཏྲ། བོད་སྐད་དུ། ཐེག་པ་ཆེན་པོའི་མདོ་ཆོས་རྒྱ་མཚོ་ཞེས་བྱ་བའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱ་མཚོའི་གླིང་ཕྲན་པོ་ཊ་ལ་ཀའི་རི་ལ་རྒྱལ་བའི
344b3 སྲས་ཕྱིར་མི་ལྡོག་པ་ཕལ་པོ་ཆེས་བསྐོར་ཅིང་མདུན་དུ་བྱས་ཏེ་བཞུགས་སོ། ། དེ་ནས་བཅོམ་ལྡན་འདས་ཀྱིས་འཇིག་རྟེན་གྱི་དབང་པོ་བྱང་ཆུབ་སེམས་དཔའ་སེམས་དཔའ་ཆེན་པོ་ལ
344b4 བཀའ་སྩལ་པ། སྐྱེས་བུ་དམ་པ་ཆོས་ཀྱི་གཏམ་ཅི་འདོད་པ་དྲི་བར་གྱིས་ཤིག་འདོད་པ་ལ་རྟོག་ཅིང་མི་རྟེན་པ་དང་། མི་འཆང་བ་དང་། ང་རྒྱལ་མེད་པ་དང་། ཤེས་རབ་དང་། ཐབས་ལ
344b5 མཁས་པ་དང་། སྟོང་པ་ལ་ཤིན་ཏུ་མོས་པ་དང་ལྡན་ཏེ། ཡོད་པ་དང་མེད་པ་སྤངས་པ་དང་། ཡང་དག་པ་མ་ཡིན་པ་ལ་བརྟགས་པ་གྲངས་མེད་པར་འཁོར་བར་འགྱུར། ཇི་ལྟར་ན
344b6 དགེ་བར་གསུངས་པའི་ཆོས་དང་། འདུལ་བ་ལ་རབ་ཏུ་བྱུང་ཞིང་། ཡང་དག་པར་རྫོགས་པའི་བསྙེན་པར་རྫོགས་པ་ལགས། འགྲོ་བ་ཐ་དད་པའི་ཆོས་རྣམས་ལས་འདས་པ་དང
344b7 གནས་ངན་ལེན་པ་ལ་རྟེན་ཅིང་འཇུག་པའི་སེམས་དང་། ཡིད་དང་ཡིད་ཀྱི་རྣམ་པར་ཤེས་པ་ལས་འདས་ཏེ། མི་གཉིས་པའི་ཆོས་ཐོབ་པ་ནི་ཤིན་ཏུ་རབ་ཏུ་བྱུང་བའོ།། སེམས་ཅན་གང་ཐ་དད་པ
iiif viewer powered by OpenSeadragon
