| e-texts navigator |
| Wylie |
404a1 མཆོད་རྟེན་བསྐོར་བ་བྱས་པས་ནི།། དྲན་པ་ཉེ་བར་གཞག་པ་བཞི།། སེམས་ཀྱི་ཚད་མེད་བཞི་པོ་དང་།། རྫུ་འཕྲུལ་རྐང་པའི་དབང་ཡང་འཐོབ།། མཆོད་རྟེན་བསྐོར
404a2 བ་བྱས་པས་ནི། ། འཕགས་པའི་བདེན་པ་བཞི་པོ་དང་།། དབང་པོ་རྣམས་དང་སྟོབས་རྣམས་དང་།། བྱང་ཆུབ་ཡན་ལག་འབྲས་བུ་འཐོབ།། མཆོད་རྟེན་བསྐོར་བ་བྱས་པས་ནི།། མངོན
404a3 ཤེས་དྲུག་ལྡན་ཟག་མེད་པ། ། ཉོན་མོངས་ཐམས་ཅད་སྤངས་པ་ཡི།། དགྲ་བཅོམ་རྫུ་འཕྲུལ་ཆེན་པོར་འགྱུར།། མཆོད་རྟེན་བསྐོར་བ་བྱས་པས་ནི།། འདོད་ཆགས་ཞེ་སྡང་སྤངས།
404a4 པ་དང་།། ཁོ་ན་རྣམས་ཐམས་ཅད་སྤངས་པ་དང་།། རང་རྒྱལ་བྱང་ཆུབ་ཐོབ་པར་འགྱུར།། མཆོད་རྟེན་བསྐོར་བ་བྱས་པས་ནི།། འཇིག་རྟེན་དག་ཏུ་དེ་བཞིན་གཤེགས།།
404a5 མཚན་རྣམས་ཀྱིས་ནི་བརྒྱན་པ་དང་།། གསེར་གྱི་སྐུ་མདོག་ཐོབ་པར་འགྱུར།། ལུས་ཀྱི་ལས་ཀྱང་བསྐོར་བ་ཡིན།། ངག་གི་ལས་ཀྱང་བསྐོར་བ་ཡིན།། ཡིད་ཀྱི་ལས་ཀྱང་བསྐོར
404a6 བ་ཡིན། ། སྨོན་ལམ་བཏབ་པའང་བསྐོར་བ་ཡིན།། འདིར་ནི་བསྐོར་བ་བྱས་པ་ཡིས།། སྤྱོད་ཁ་བདེ་དགུར་དོན་རྣམས་འགྲུབ།། འཇིག་རྟེན་མགོན་པོའི་མཆོང་རྟེན་ལ།།
404a7 བསྐོར་བ་བྱས་པའི་ཡོན་ཏན་གང་།། དེ་ནི་ཚིག་ཙམ་ཉི་ཚེ་ཡིས།། ལེགས་པར་བསྟན་པར་མི་ནུས་སོ།། སེམས་ཅན་རྣམས་ལ་སྙིང་བརྩེའི་ཕྱིར།། ཤཱ་རིའི་བུས་ནི
iiif viewer powered by OpenSeadragon
