| e-texts navigator |
| Wylie |
403a1 བ་དང་། ། བདེ་བར་ནུ་ཞོ་བཏུང་བར་འགྱུར།། མཆོད་རྟེན་བསྐོར་བ་བྱས་པས་ནི།། ཕས་ཀྱང་གཡོག་འཁོར་མང་པོ་ཡིས།། དེ་ལ་གསོ་ཞིང་གནང་བར་འགྱུར
403a2 མ་མས་རྟག་ཏུ་རིམ་གྲོ་བྱེད། ། མཆོད་རྟེན་བསྐོར་བ་བྱས་པས་ནི།། ཉེ་དུ་རྣམས་ཀྱི་སྙིང་དུ་སྡུག། དེ་བཞིན་ཕ་མ་ལྷག་པར་བྱམས།། སྐྱེས་བུ་ལོངས་སྤྱོད་འཕེལ་བར་འགྱུར།། །
403a3 མཆོད་རྟེན་བསྐོར་བ་བྱས་པས་ནི།། ཤ་ཟ་དང་ནི་སྲིན་རྣམས་ཀྱིས།། དེ་ལ་གནོད་པ་མི་ནུས་ཏེ།། ལོངས་སྤྱོད་དག་ལ་སྐྱོན་མེད་འགྱུར།། མཆོད་རྟེན་བསྐོར་བ་བྱས་པས་ནི།།
403a4 བསྐལ་པ་བརྒྱར་ཡང་དེ་དག་རྣམས།། ཞར་བསྐུར་པོར་ཡོང་མི་འགྱུར།། ལུས་ཀྱང་རྣམ་པར་དག་པར་འགྱུར།། མཆོད་རྟེན་བསྐོར་བ་བྱས་པས་ནི།། མིག་ཀྱང་རྣམ་པར་དག་པ་དང་།།
403a5 དཀྱུས་རིང་མཐོན་མཐིང་སྡུག་པ་དང་།། ལྷ་ཡི་མིག་ཀྱང་དེ་ཡིས་འཐོབ།། མཆོ་ཆེན་བསྐོར་བ་བྱས་པས་ནི།། ལུས་བརྟན་སེམས་ཀྱང་བརྟན་པ་དང་།། དེ་བཞིན་བརྩོན
403a6 འགྲུས་བརྟན་པ་དང་། ། དེ་པུང་མགོ་ཟླུམ་ཞིང་བརྟན་པར་འགྱུར།། མཆོད་རྟེན་བསྐོར་བ་བྱས་པས་ནི།། སྟོབས་དང་བྱད་གཟུགས་ཕུན་སུམ་ཚོགས།། ཡན་ལག་ཐམས་ཅད
403a7 མཚན་རྣམས་ཀྱིས། ། ལེགས་པར་བརྒྱན་ཅིང་ལྡན་པར་འགྱུར།། མཆོད་རྟེན་བསྐོར་བ་བྱས་པས་ནི།། སུམ་ཅུ་རྩ་གསུམ་དབང་ཕྱུག་རྗེ།། རྫུ་འཕྲུལ་ཆེན་པོའི་བརྒྱ་བྱིན་དུ།།
iiif viewer powered by OpenSeadragon
