| e-texts navigator |
| Wylie |
377a1 @#སངས་རྒྱས་འབུམ་ཕྲག་བརྒྱའི་ཡང་ཕྲག་སྟོང་གི་ཤཱཀྱ་ཐུབ་པ་པདྨོའི་སྣོད་ཀྱི་ཁམས་ན། ལྷམ་མེ་ལྷང་ངེ་བའི་སེང་གེའི་ཁྲི་ལས་ལངས་ཏེ། སོ་སོ་ནས་མཆི་ཕྱག་འཚལ་ཏེ
377a2 ཕྱིར་ནུར་ནས། ལུས་ཀུན་གྱིས་བསམ་གྱིས་མི་ཁྱབ་པའི་འོད་བཏང་སྟེ། འོད་ཀུན་གྱི་ནང་ནས་གྲངས་མེད་པའི་སངས་རྒྱས་བྱུང་སྟེ། ཅིག་ཅར་གྲངས་མེད་པའི་མེ་ཏོག་སྔོན་པོ། སེར་པོ། དམ།
377a3 པོ་དཀར་པོས་རྫོགས་ལོངས་སྤྱོད་པའི་སྐུ་སངས་རྒྱས་ལ་ཡོན་དུ་གསོལ་ནས། ཡན་ཆུད་སེམས་ཀྱི་ཕྱི་མོའི་ལེའུ་བཤད་པ་ཡང་ཁོང་དུ་ཆུད་ནས། སོ་སོར་པདྨའི་སྣོད་ཀྱི་ཁམས་ཀྱི
377a4 ནང་དུ་ནུབ་སྟེ། རང་བཞིན་གྱི་སྐལ་བ་སྟོང་པ་ཉིད་ཀྱི་ནང་དུ་ནུབ་ནས། མེ་ཏོག་གི་འོད་ཀྱི་ཏིང་ངེ་འཛིན་ཐོག་མར་བྱུང་བའི་གནས་སུ་སླར་སོང་སྟེ། འཛམ་བུའི་གླིང་བྱང་ཆུབ་ཀྱི་ཤིང་དྲུང་དུ
377a5 ཕྱིན་ནས། རང་བཞིན་གྱི་སྐལ་བ་མེ་ཏོག་འོད་ཀྱི་ཏིང་ངེ་འཛིན་ལས་བྱུང་སྟེ། གདོད་རྡོ་རྗེའི་རྒྱལ་པོའི་གདུན་དང་། འོད་ཤིན་ཏུ་བཟང་བའི་ཁང་པར་འདུག་ནས། ཕྱོགས་བཅུའི་ཆོས་རྒྱ་མ
377a6 དང་མཚུངས་པ་བཤད་དོ། ། དེ་ནས་ཡང་སེང་གེའི་ཁྲི་ལས་ལངས་ཏེ། སུམ་ཅུ་རྩ་གསུམ་གནམ་གྱི་ཕོ་བྲང་དུ་ཕྱིན་ནས། གྲལ་བཅུའི་ཆོས་བཤད་དོ།། དེ་ནས་ཟུང་མའི་གནམ་དུ་ཕྱིན
377a7 ཏེ་ལས་སུ་བྱ་བ་བཅུ་བཤད་དོ། ། དེ་ནས་ཡང་ཁྲི་ལས་ལངས་ཏེ། རྒྱལ་ཆེན་རིས་བཞིའི་གནམ་དུ་ཕྱིན་ནས། ཕྱོགས་ཤིང་ལྟ་བ་བཅུ་བཤད་དོ།། དེ་ནས་ཡང་འདུག་པའི་ས་ནས་ལངྒ
iiif viewer powered by OpenSeadragon
