| e-texts navigator |
| Wylie |
363b1 ཀུན་ཆུབ་པར་བྱེད་ན། རིགས་ཀྱི་བུ་འམ། རིགས་ཀྱི་བུ་མོ་དེ་རྒྱལ་པོས་འཇིགས་པར་འགྱུར་བ་འམ། རྐུན་པོས་སམ། མེས་སམ། ཆུས་སམ། མ་རུང་བས་སམ། ཀླུས་སམ།
363b2 གནོད་སྦྱིན་གྱིས་སམ། དྲི་ཟས་སམ། ལྷ་མ་ཡིན་གྱིས་སམ། མིས་སམ། མི་མ་ཡིན་པས་འཇིག་པར་འགྱུར་བ་འམ། གང་གིས་ཀྱང་གླགས་རྙེད་པར་འགྱུར་བ་དེ་ནི་གནས་མེད་དོ།། །
363b3 ལས་ཀྱི་རྣམ་པར་སྨིན་པ་དྲག་པོ་ནི་མ་གཏོགས་ཏེ། དེ་ཡང་ཆུང་ངུ་མྱོང་ཞིང་མང་དུ་མྱོང་བར་མི་འགྱུར་རོ།། དེ་འཇིག་རྟེན་པ་འམ། འཇིག་རྟེན་ལས་འདས་པའི་དོན་གང་ཅི་རྩོམ
363b4 ཡང་རུང་སྟེ། དེ་དགེ་བའི་ཆོས་རྣམས་འཕེལ་བ་ཉིད་དུ་འགྱུར་གྱི། འགྲིབ་པར་མི་འགྱུར་བར་རེ་བར་བྱའོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ
363b5 ཏོ། འཇིག་རྟེན་མགོན་པོ་དེ་དག་གི། མཚན་རྣམས་འཛིན་པར་བྱེད་པ་ནི།། མི་ཁོ་མ་ཐམས་ཅད་ཡོངས་སྤངས་ནས།། མྱུར་དུ་བཟང་འགྲོར་འགྲོ་བར་འགྱུར།། སངས་རྒྱས་འབྱུང་བ
363b6 མཉེས་བྱས་ནས། ། སྟོན་པ་དེ་མཐོང་དང་བྱེད་ཅིང་།། འཇིག་རྟེན་སྨོན་མ་མཐོང་ནས་ཀྱང་།། མཆོད་པ་བཟང་པོ་བྱེད་པར་འགྱུར།། བསྐལ་པ་བྱེ་བ་གྲངས་མེད་དུ།། འཁོར་བ་རྣམ
363b7 པར་སྤོང་བར་བྱེད། ། གང་གིས་འདྲེན་རྣམས་མཐོང་འགྱུར་བའི།། དྲི་མེད་མིག་ཀྱང་རྣམ་པར་སྦྱོང་།། འཇིག་རྟེན་མགོན་པོ་དེ་དག་གི། མཚན་རྣམས་སུ་ཞིག་འཛིན་བྱེད་པ།།
iiif viewer powered by OpenSeadragon
