| e-texts navigator |
| Wylie |
337b1 མེད། དེ་ཡི་ཡང་སྲིད་འགྲོ་བ་ཡི།། མ་རིག་པ་ལའང་འཇུག་པར་འགྱུར།། བྱང་ཆུབ་སྙིང་པོར་འདུག་ནས་ནི།། མཐོང་བ་མེད་ཅིང་སྤངས་པའང་མེད།། སངས་རྒྱས་རྣམས་ཀྱི་བྱང་ཆུབ
337b2 འདི། ། ཐ་སྙད་ཡིན་ཏེ་དོན་དུ་མིན།། བྱང་ཆུབ་དང་ནི་མྱ་ངན་འདས།། ཐ་སྙད་དག་གིས་བརྗོད་མི་ནུས།། གང་དག་དེ་ལྟར་ཡང་དག་མཐོང་།། དེ་དག་ཆོས་ཉིད་རྣམ་པར་ཤེས།། དེ་ནས་བཅོམ
337b3 ལྡན་འདས་ལ་ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ། ། བཅོམ་ལྡན་འདས་ཁྱེའུ་རིན་ཆེན་བྱིན་གྱིས་ཡུན་ཇི་སྲིད་གཅིག་ནས་ཆོས་འདི་ལ་སྤྱོད་ལགས།། བཅོམ་ལྡན་འདས་ཀྱིས་བཀའ
337b4 སྤྲུལ་པ། ། གང་གི་ཚེ་དེ་བཞིན་གཤེགས་པ་མར་མི་མཛད་ཀྱིས་ང་མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར་བ་ལུང་བསྟན་པ་དེའི་ཚེ། འདི་མར་མེད་མཛད་ཀྱི་གསུང་རབ་ལ་སྟོང་པ་ཉིད་ལ་གནསཔ
337b5 བྱང་ཆུབ་སེམས་དཔའ་རྣམས་ཀྱི་མཆོག་ཏུ་གྱུར་ཏོ། ། གང་གི་ཚེ་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་དང་པོ་སེམས་བསྐྱེད་པ་དེའི་ཚེ། འདིས་བཟོད་པ་ཐོབ་ནས་བསྐལ་པ་སུམ
337b6 འབུམ་ལོན་ནོ། ། ཤཱ་རིའི་བུས་གསོལ་པ།། བཅོམ་ལྡན་འདས་ཁྱེའུ་རིན་ཆེན་བྱིན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་པའི་རྒྱུ་ནི་གང་ལགས། རྐྱེན
337b7 ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱིས་ཁྱེའུ་རིན་ཆེན་བྱིན་འདི་ཉིད་པ་དྲིས་ཤིག་དང་། འདི་ཉིད་ཀྱིས་ཁྱོད་ལ་སྟོན་པར་འགྱུར་རོ།། དེ་ནས་ཚེ་དང་ལྡན་པ་ཤཱ་རིའི་བུས།
iiif viewer powered by OpenSeadragon
