| e-texts navigator |
| Wylie |
336b1 སྟོན་ཏོ། ། ཁྱེའུས་སྨྲས་པ། མོའུ་འགལ་གྱི་བུ་འཇིག་རྟེན་ནི་བརྫུན་པ་སླུ་བ་སྒྱུ་མའི་རྣམ་པ་བྱིས་པ་འདྲིས་པར་བྱེད་པའོ།། མོའུ་འགལ་གྱི་བུས་སྨྲས་པ། གལ་ཏེ་འཇིག་རྟེན་འདི་བརྫུན
336b2 པ་སླུ་བའི་ཆོས་ཅན་ཡིན་ན། བསྟན་པ་འདི་ཡང་བརྫུན་པ་སླུ་བའི་ཆོས་ཅན་ཡིན་ན།། ཁྱོད་ཅིའི་ཕྱིར་སྟོན་པར་བྱེད། སྨྲས་པ། མོའུ་འགལ་གྱི་བུ་ཆོས་ཐམས་ཅད་ནི་བསྟན་དུ
336b3 མེད་པ་སྟེ། དེ་དག་ནི་བསྟན་པར་བྱ་བ་མ་ཡིན། ཐོབ་པར་བྱ་བ་མ་ཡིན། མངོན་སུམ་དུ་བྱ་བ་མ་ཡིན། སྤང་བར་བྱ་བ་མ་ཡིན། ཡོངས་སུ་ཤེས་པར་བྱ་བ་མ་ཡིན། བསྒོམ་པར
336b4 བྱ་བ་མ་ཡིན་ནོ། ། མོའུ་འགལ་གྱི་བུས་སྨྲས་པ། འོ་ན་ཁྱོད་ཀྱིས་གང་གིས་དོན་དུ་དེ་བཞིན་གཤེགས་པ་མཆོད། ཁྱེའུས་སྨྲས་པ། མོའུ་འགལ་གྱི་བུ་ཁྱོད་དེ་བཞིན་གཤེགས་པ་འམ། སྦྱིན་པ
336b5 པོའམ། སྦྱིན་པར་དམིགས་སམ། དེ་ནས་ཚེ་དང་ལྡན་པ་མོའུ་འགལ་གྱི་བུ་ཅང་མི་སྨྲ་བར་གྱུར་ཏོ།། ཁྱེའུ་རིན་ཆེན་བྱིན་གྱིས་སྨྲས་པ། མོའུ་འགལ་གྱི་བུ་བདག་གིས་དེ་ལས་བསམས་ནས། དེ
336b6 བཞིན་གཤེགས་པར་འགྱུར་བ་ཡོངས་སུ་སྤངས་ཏེ། ཉན་ཐོས་ཀྱི་ཐེག་པ་ལ་སེམས་སྐྱེད་པར་བྱེད་པ་གང་དག་ཡིན་པ་དེ་དག་ནི། རྙེད་པ་ཉེས་པར་རྙེད་པའོ་ཞེས་དེ་སྐད་ཀྱི་ཚིག་སྨྲས་སོ།། མོའུ་འགལ།
336b7 གྱི་བུ་སྨྲས་པ།། ཁྱོད་ནི་ན་ཆོད་ཤིན་ཏུ་གཞོན།། ཤེས་རབ་ཀྱིས་ནི་རྒྱ་མཚོ་བཞིན།། ཁྱོད་ཀྱིས་ཇི་སྲིད་ཙམ་ཞིག་ནས།། ཆོས་འདི་དག་ལ་བསླབས་པར་གྱུར།། ཁྱེའུ་རིན་ཆེན་བྱིན་གྱིས་སྨྲས་པ། བསླབ་པ
iiif viewer powered by OpenSeadragon
