| e-texts navigator |
| Wylie |
335b1 ཁོར་འགྱུར་བ་ག་ལ་ཡོད། ། ཁྱོད་ཀྱིས་ཆོས་གོས་ངུར་སྨྲིག་བགོས།། དགྲ་བཅོམ་ཉིད་དུ་འཛིན་པར་བྱེད།། རྣམ་ཤེས་འདི་དང་སྤྱོད་ཡུལ་ཡང་།། སྟོང་པ་ཁོ་ན་མ་ཡིན་ནམ།། དམིགས་པ
335b2 ནི་གནས་བཅས་པས། ། སངས་རྒྱས་བྱེ་བ་མ་མཉེས་བྱས།། བྱེ་བ་དེ་ཡང་ཞི་བར་མཐོང་།། སུ་ཡང་མ་མཉེས་བྱས་པ་མེད།། མོའུ་འགལ་གྱི་བུ་ལ་ད་དུང་ཡང་།། དམིགས་པ་འཇུག་པ
335b3 ཡོད་དམ་ཅི། ། ཁྱོད་ཀྱི་སེམས་ནི་གང་ཞིག་གིས།། ཡོན་ཡང་ཡོངས་སུ་སྦྱོང་བར་བྱེད།། དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཁྱེའུ་རིན་ཆེན་བྱིན་ལ་འདི་སྐད་ཅེས་སྨྲས་སོ།། ཁྱེའུ
335b4 ཅི་དེ་བཞིན་གཤེགས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སྤངས་མ་རྒྱས་སམ། ཆོས་ཀྱང་མ་བསྟན་ཏམ། ཁྱེའུ་རིན་ཆེན་བྱིན་གྱིས་སྨྲས་པ། མེའུ
335b5 འགལ་གྱི་བུ་མཁས་པས་ནི་བྱང་ཆུབ་སྤྲོས་པར་མི་བྱའོ། ། དེ་བཞིན་གཤེགས་པ་ཡང་རློམ་སེམས་སུ་མི་བྱའོ།། ཆོས་མི་སྐྱེའོ་སྙམ་དུ་སྐྲག་པར་མི་བྱའོ།། ཆོས་ཐམས་ཅད་འདུས་བྱས་སོ་སྙམ
335b6 དུ་སྐྲག་པར་མི་བྱའོ། ། ཆོས་ཐམས་ཅད་འདུས་མ་བྱས་སོ་སྙམ་དུ་སྐྲག་པར་མི་བྱའོ།། དེ་བཞིན་སྦྱར་ཏེ།། ཆོས་ཐམས་ཅད་སྐྱེ་བ་དང་། མི་སྐྱེ་བ་དང་། དངོས་པོ་དང་། དངོས་པོ་མེད་པ
335b7 ཞེས་བྱ་བ་དང་། འཛིན་པ་དང་། གཏོང་བ་ཞེས་བྱ་བ་དང་། ཕྲད་པ་དང་བྲལ་བ་ཞེས་བྱ་བ་དང་། འགྲོ་བ་དང་འོང་བ་དང་། གནས་པ་དང་། ཕོ་བ་དང་། འདོད་ཆགས་ཀྱིས་ཆོས་དང
iiif viewer powered by OpenSeadragon
