| e-texts navigator |
| Wylie |
335a1 པདྨའི་གདུགས་སུ་བྱས་ཏེ་རིན་པོ་ཆེའི་དྲ་བ་ཡང་བྲེས་སོ། ། དེ་ནས་དེའི་ཚེ་ཁྱེའུ་རིན་ཆེན་བྱིན་གྱིས་ཚིགས་སུ་བཅད་པ་འདི་དག་སྨྲས་སོ།། སངས་རྒྱས་པདྨ་འདི་ཕུལ་ག།
335a2 བདག་ནི་ཅི་ཡང་མི་འཚལ་ཏེ།། དོན་རྣམས་ཐམས་ཅད་གྲུབ་སླད་དུ།། བདག་ནི་བྱང་ཆུབ་མཆོག་འཚལ་ལོ།། ཇི་ལྟར་བྱང་ཆུབ་མ་སྐྱེས་ལ།། ཐོབ་པ་མ་མཆིས་གཤེགས་མ་མཆིས།། བླང
335a3 དུ་མ་མཆིས་དོར་མ་མཆིས། ། དེ་ལྟར་བདག་གིས་མེ་ཏོག་འབུལ།། བྱིས་པ་རྣམས་ཀྱི་དོན་གང་བརྟགས།། རྟགས་པ་དེ་ནི་དོན་མ་མཆིས།། རྟོག་པ་ཐམས་ཅད་སླད་དུ།། གང་ཟག་མཆོག
335a4 ལ་བདག་མཆོད་བགྱིད། ། དེ་ཕྱིར་མེ་ཏོག་ཕུལ་བ་འདི།། བདག་ལ་རྣམ་སྨིན་འབྲས་མ་གྱུར།། དངོས་པོ་ཐམས་ཅད་གཅད་སླད་དུ།། པདྨ་འདི་ནི་བདག་གིས་ཕུལ།། བདག་གིས་སངས་རྒྱས་ཞིང
335a5 དུ་ནི། རྒྱལ་མཆོག་ཐེག་པས་འགྲོ་མ་གཏོགས།། ཉན་ཐོས་ཀྱི་ནི་མིང་ཡང་རུང་།། རང་རྒྱལ་མིང་འབྱུང་བ་འགྱུར།། དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཁྱེའུ་རིན་ཆེན་ལ་ཚིགས་སུ
335a6 བཅད་དེ་སྨྲས་པ། ། ཁྱོད་ནི་སྟོན་པ་འདི་འདྲལ།། དད་པས་མཆོད་པ་བྱེད་མོས་ཀྱིས།། བློ་གྲོས་ཕྱིན་ཅི་ལོག་གྱུར་ན།། སངསཱ་རྒྱས་སུ་ནི་ཇི་ལྟར་འགྱུར།། དེ་ནས་ཁྱེའུ་རིན་ཆེན་བྱིན་གྱིས་ཚེ
335a7 དང་ལྡན་པ་མོའུ་འགལ་གྱི་བུ་ཆེན་པོ་ལ་ཚིགས་སུ་བཅད་དེ་སྨྲས་པ། ། འདི་དག་ཐམས་ཅད་མ་སྐྱེས་ཏེ།། འདུས་བྱས་དག་ནི་གསོབ་དང་གསོག། དེ་འདྲ་བ་ཡི་ཆོས་རྣམས་ལ།། དངོས
iiif viewer powered by OpenSeadragon
