| e-texts navigator |
| Wylie |
334b1 འདིར་ཞོག་ཤིག་དང་། ། དེ་བཞིན་གཤེགས་པ་ལ་བལྟའོ།། དེ་ནས་མ་མ་དེས་ཁྱེའུ་རིན་ཆེན་བྱིན་སྐར་ཁུང་དུ་བཞག་གོ། དེ་ནས་བཅོམ་ལྡན་འདས་ཀྱིས་ཁྱེའུ་རིན་ཆེན་བྱིན་གྱིས་སེམས་ཀྱི་ཡོངསུ་རྟོག་པ
334b2 ཐུགས་ཀྱིས་མཁྱེན་ནས། ། སྲང་དེ་ཁོ་ནར་གཤེགས་སོ།། ཁྱེའུ་རིན་ཆེན་གྱིས་ཀྱང་།། བཅོམ་ལྡན་འདས་གཤེགས་པ་མཐོང་ངོ་།། མཐོང་ནས་དེ་འདི་སྙམ་དུ་སེམས་ཏེ།། གང་དག་དེ་བཞིན
334b3 གཤེགས་པ་ཡོན་ཏན་ཐམས་ཅད་དང་ལྡན་པ་འདི་ལྟ་བུ་མཐོང་ན། ། བྱང་ཆུབ་ཀྱི་སེམས་སྐྱེད་པར་མི་བྱེད་པ་དེ་དག་ནི་རྙེད་པ་ཉེས་པར་རྙེད་པའོ་སྙམ་མོ།། དེ་ནས་བཅོམ་ལྡན་འདས་ཁྱེའུ་རིན་ཆེན
334b4 བྱིན་གྱིས་སྒོའི་དྲུང་དུ་གཤེགས་སོ། ། དེ་ནས་ཁྱེའུ་རིན་ཆེན་བྱིན་འདི་སྙམ་དུ་སེམས་ཏེ། སེམས་ཅན་ཁྱད་པར་ཅན་འདི་ལྟ་བུ་ནི་བསྐལ་པ་བྱེ་བ་ཕྲག་འབུམ་དུ་ཡང་རྙེད་པར་དཀས། ཁང་བཟངས
334b5 འདི་ལས་བདག་གིས་མཆོང་བར་བྱའོ་སྙམ་མོ། ། དེ་ནས་དེའི་ཚེ་ཁྱེའུ་རིན་ཆེན་བྱིན་གྱིས་རིལ་གྱིས་གསེར་ལས་བྱས་པའི་པདྨ་འདབ་མ་འབུ་མ་དང་ལྡན་པ་རྩེན་པ་ལག་མཐིལ་དུ་ཁྱེར་རོ།། དེ་ནས
334b6 ཁྱེའུ་རིན་ཆེན་བྱིན་གྱིས་ཁང་བཟངས་དེ་ལས་བདག་ཉིད་ཀྱིས་མཆོངས་སོ། ། དེ་སངས་རྒྱས་ཀྱི་མཐུས་ནམ་མཁའ་བར་སྣང་ལ་འདུག་གོ། དེ་ནས་ཁྱེའུ་རིན་ཆེན་བྱིན་གྱིས་རིལ་གྱིས་གསེར་ལས
334b7 བྱས་པའི་པདྨ་འདབ་མ་འབུམ་དང་ལྡན་པ་དེ་བཅོམ་ལྡན་འདས་ལ་ཕུལ་ལོ། ། དེ་ཁྱེའུ་རིན་ཆེན་བྱིན་གྱི་ལག་ནས་བཏང་ནས། བཅོམ་ལྡན་འདས་ཀྱི་དབུའི་དྲང་ཐད་ཀྱི་ནམ་མཁའ་བར་སྣང་ལ
iiif viewer powered by OpenSeadragon
