| e-texts navigator |
| Wylie |
334a1 མགུར་ཡང་དུང་འདྲ་དཔུང་འགོ་ཟླུམ།། དེ་ཡི་ཐལ་གོང་རྒྱས་པ་སྟེ།། དེ་ནི་བདུན་པོ་མཐོ་བ་མངའ།། དེ་ཡི་ཕྱག་ཀྱང་རབ་ཏུ་རིང་།། ལྤགས་པ་གསེར་མཆོག་འདྲ་བ་སྟེ།།
334a2 གསེར་གྱི་སྡོང་པོ་བཞིན་དུ་མཐོ།། ནྱ་གྲོ་དྷ་ལྟར་ཆུ་ཞེང་གབ།། ཐུགས་ཀ་དཔལ་གྱི་བེའུས་བརྒྱན་ཏེ།། འཁོར་ལོའི་མཚན་ཅན་པདྨའི་ཕྱག། ཤིང་བལ་འདབ་ལྟར་རེག་ན་འཇམ།། དེ་ཡི་ཕྱག་གི་སོར
334a3 མོ་རིང་། ། སྤུ་རྣམས་རེ་རེར་སྐྱེ་ཞིང་ཡང་ཕྱོགས་སྟུག་ལ་འཇམ།། བྲང་གི་ཕེལ་ཀ་ཆེ་ལར་བུ་ལྟེ་བ་ཟག། ཕྱལ་དབྱིབས་གཞུ་འདྲ་གླང་ཆེན་བཞིན་དུ་སྦུབས་སུ་ནུབ།། རྫ་ངར་ཨེ་ནེ་ཡ་འདྲ་མདངས
334a4 དཀར་འདམ་བུའི་སྦུབས། ། ལོང་བུ་མི་མངོན་དེ་ཡི་རྟིང་པ་ལེགས་པར་གྲུབ།། དེ་བཞིན་དྲང་སྲོང་སོར་མོ་རང་ཞིང་སེན་མོ་དམར།། བདེ་བར་གཤེགས་ཀྱི་ཞབས་ཀྱི་ལོང་བུ་མི་མངོན་ཏེ།། འཁོར་ལོ།
334a5 ཐུགས་ཀྱུ་བཀྲ་ཤིས་ལྡན་དང་དུང་གིས་སྨྲས།། མགོན་པོ་དེ་ཡི་ཞབས་གཉིས་མཉམ་ཞིང་ལེགས་གནས་དང་།། ཤིང་བལ་བཞིན་དུ་རེག་ན་འཇམ་ཞིང་བཟང་བ་དང་།། མེ་ཏོག་ཨུཏྤལ་དམར་པོ་ལེགས
334a6 པར་སྐྱེས་པ་ཡི། ། ཁ་དོག་འདྲ་བས་ས་གཞི་བདག་ལ་གཤེགས་པར་མཛད།། དེ་བཞིན་གཤེགས་པ་སེང་གེའི་སྒྲ་སྒྲོགས་བདེ་སྦྱིན་པ།། འགྲོ་བ་རྣམས་ཀྱི་གཙོ་བོ་དེ་ནི་འདིར་གཤེགས་ཏེ།། གཡོད
334a7 གིས་འཇིགས་པ་མེད་པར་སེང་གེའི་སྒྲ་སྐད་ཀྱིས། ། གཉིས་སུ་མེད་ཅིང་སྤྲོས་པ་མེད་པའི་ཆོས་ཀྱང་སྟོན།། དེ་ནས་ཁྱེའུ་རིན་ཆེན་བྱིན་གྱི་བདག་གིས་མ་མ་ལ་འདི་སྐད་ཅེས་སྨྲས་སོ།། མ་མ་བདག་སྐར་ཁུང
iiif viewer powered by OpenSeadragon
