| e-texts navigator |
| Wylie |
332b1 སེམས་དང་ལྡན་པར་གྱུར། ། མ་མ་སེམས་ཅན་ཁྱད་པར་ཅན།། རྫུ་འཕྲུལ་གྲུབ་པ་མཐུ་ལྡན་པ།། འཇིག་རྟེན་དག་ན་རྒྱུ་བ་འདི།། སུ་ཡིན་དག་ལ་ཀུན་མྱུར་སྨྲོས།། དེ་ནས་ཁྱེའུ་རིན་ཆེན་བྱིན་གྱི
332b2 མ་མས་ཁྱེའུ་རིན་ཆེན་བྱིན་ལ་ཚིགས་སུ་བཅད་དེ་སྨྲས་པ། ། རྣམ་པར་དག་པ་སྤྱོད་མཆོག་ལྡན།། རྒྱལ་བ་དྲི་མེད་བློ་མི་དམན།། བསམ་ཡས་མ་ལུས་ཡོངས་སུ་དག། དབང་ལྡན་ཡོན་ཏན་རིན་ཆེན
332b3 འཕགས། ། འཇིག་རྟེན་མགོན་པོ་འཁྲས་ས་མིག། དེ་བཞིན་གཤེགས་པ་རྩ་ལག་འདི།། བློ་ལྡན་བསོད་སྙོམས་དོན་ཏུ་གཤེགས།། འཇིག་རྟེན་ཆོས་ལ་རྟེན་པ་མེད།། འདི་ལ་སྡུག་དང་མི
332b4 སྡུག་སོགས། ། འཇིག་རྟེན་པ་ཡི་རྟོག་མི་མངའ།། པདྨ་ཆུ་ལས་སྐྱེས་པར་ལྟར།། མངའ་བདག་མི་གོས་སྤྱོད་པར་མཛད།། བློ་གྲོས་ལྡན་པ་ཐེ་ཙོམ་གཅོད།། ཕན་མཛད་ཐུགས་རྗེར་ལྡན་པ་དེ།
332b5 འགྲོ་བའི་སྡུག་བསྔལ་བསལ་བའི་ཕྱིར།། རྣམ་པར་འདྲེན་པ་འདིར་གཤེགས་སོ།། བསྟོད་ཀྱང་དགྱེས་པར་མི་འགྱུར་ལ།། སྨད་ཀྱང་འཁྲུག་པར་མི་འགྱུར་ཏེ།། ཁོང་ཁྲོ་རྗེས་སུ་ཆགས་པ་སྤ།། །
332b6 ཆགས་མེད་རྒྱུ་བ་རླུང་དང་འདྲ།། འདི་ནི་ཆོས་རྒྱལ་དམ་པ་སྟེ།། ཡེ་ཤེས་ཟབ་མོ་ཕུན་སུམ་ཚོགས།། དོན་དམ་ངོན་ལ་མཁས་པ་པོ།། འགྲོ་བའི་སློབ་དཔོན་གཤེགས་པ་ཡིན།། དེ་ནི་དབུ
332b7 མ་སྟོན་པ་སྟེ། ། ཡོད་མེད་འཛིན་ལས་རྣམ་པར་གྲོལ།། ཆོས་ལམ་ལྡན་ཞིང་ཞི་བ་སྟེ།། རྟེན་པ་ཐམས་ཅད་ཡོངས་སུ་སྤངས།། ཡེ་ཤེས་ཕུང་པོ་བདག་མེད་བདག། བསོད་ནམས་ཆོག
iiif viewer powered by OpenSeadragon
