| e-texts navigator |
| Wylie |
332a1 ནསའོག་མིན་གྱི་གནས་མན་ཆད་ཀྱི་སེམས་ཅན་ཐམས་ཅད་ཀྱང་གཅིག་ཏུ་ངེས་པར་བདེ་བ་དང་ལྡན་པར་གྱུར་ཏོ། ། དེའི་ཚེ་ཡངས་པའི་གྲོང་ཁྱེར་ཆེན་པོ་ནཱ་ལི་ཙ་བྱི
332a2 སེང་གེའི་བུ་རིན་ཆེན་བྱིན་ཞེས་བྱ་བ་སྐྱེས་ནས་ལོ་སུམ་ལོན་པ། མ་མའི་ཕང་པ་ན་འདུག་པ། ཁང་བཟངས་རྒྱན་གྱིས་བརྒྱན་པའི་ཁང་བཟངས་ཀྱི་སྟེང་ན་འདུག་སྟེ། ཁྱེའུ་རིན་ཆེན་བྱིན་གྱིས་རྨད
332a3 དུ་འབྱུང་བའི་མཚན་མ་དག་མཐོང་ངོ་། ། དེ་ནས་ཁྱེའུ་རིན་ཆེན་བྱིན་གྱིས་རང་གི་མ་མ་ལ་ཚིགས་སུ་བཅད་དེ་སྨྲས་པ།། མ་མ་གང་གི་མཐུ་སྟོབས་ཀྱིས།། ཤིན་ཏུ་ཡ་མཚན་བྱུང་བ་སྣང་།། ཉི་མ་བྱེ་བ་རྣམས
332a4 ཀྱི་འོད། ། ཟིལ་གནོན་སྣང་འདི་སུ་ཞིག་ཡིན།། སྟོང་གསུམ་ས་གཞི་ཁྱབ་གྱུར་ནས།། ངན་གྲོ་སྐེམས་པར་བྱེད་པ་ཡི།། རྫུ་འཕྲུལ་སྣང་བ་གང་ཡིན་འདི།། མ་མ་བདག་ལ་མྱུར་དུ་སྨྲས།། དུས་མིན་མེ
332a5 ཏོག་ཆར་བ་ཡིན། ། སངས་རྒྱས་ཞིང་མཚམས་མེད་པར་མཛེས།། ཕྱོགས་རྣམས་བྱ་ཡི་ཚོགས་རྣམས་ཀྱིས།། སྐད་སྙན་པས་ནི་ཁྱབ་པར་གྱུར།། སྲུང་ཡང་མེ་ཏོག་རྣམས་ཀྱིས་ཁེབས།། མེ་ཏོག
332a6 གདུགས་ཀྱང་རྣམ་པར་བྲེས། ། སྐྱེས་པ་བུད་མེད་དགའ་རྣམས་ཀྱིས།། ཀུན་ནས་རབ་ཏུ་མཛེས་པར་འདུག། ལོང་བ་རྣམས་ཀྱིས་མིག་ཀྱང་ཐོབ།། འོན་པ་རྣམས་ཀྱི་སྒྲ་ཡང་ཐོས།། བྱང་ངན་བྱད
332a7 གཟུགས་ཕུན་སུམ་ཚོགས། ། མདོག་ངན་ཁ་དོག་ཕུན་སུམ་ཚོགས།། གཡེང་བ་རྣམས་ཀྱང་དྲན་པ་རྙེད།། ལྕེ་མེད་ཚིག་ནི་རྣམ་པར་དག། སེམས་ཅན་བྱམས་པའི་སེམས་མེད་པ།། བྱམས་པའི
iiif viewer powered by OpenSeadragon
