| e-texts navigator |
| Wylie |
331b1 ཆོས་ཐམས་ཅད་ལ་རྟག་ཏུ་ལྟ་བའི་བློ་ལྡན་དང་། སྤོས་དྲི་མྱུར་སྤྱན་མེ་ཏོག་ཀུན་ཏུ་རྒྱས་དང་། གཙོ་བོ་རྩེགས་དང་། མྱ་ངན་མེད་པའི་དཔལ་དང་། ལྷུན་པོའི་ལྟོ་དང་། སྤྱན་རས་གཟིགས་དབང
331b2 ཕྱག་དང་། སྤོས་ཀྱི་དབང་ཕྱུག་རྒྱལ་པོ་དང་། མཆོག་དགའ་བའི་རྒྱལོ་དང་། བློ་མཐའ་ཡས་བསྒྲུབ་པ་དང་། དམ་པའི་ཆོས་ཐམས་ཅད་མི་བརྗེད་པར་གནས་པ་དང་། བྱང་ཆུབ་སེམས་དཔའ
331b3 སེམས་དཔའ་ཆེན་པོ་སེང་གེ་ལྟར་སྒྲ་མངོན་པར་བསྒྲགས་པ་དང་། དེ་དག་དང་བྱང་ཆུབ་སེམས་དཔའ་སྟོང་ཕྲག་མང་པོ་གཞན་དག་དང་ཡང་ཐབས་གཅིག་ཏུ་བཞུགས་སོ།། དེ་ནས
331b4 བཅོམ་ལྡན་འདས་སྔ་དྲོའི་དུས་ཀྱི་ཚེ། ཤམ་ཐབས་དང་ཆོས་གོས་གསོལ་ཏེ། ལྷུང་བཟེད་བསྣམས་ནས། དགེ་སློང་ཉིས་སྟོང་གིས་བསྐོར་ཅིང་མདུན་དུ་བདར་ཏེ་ཡངས་པའི་གྲོང་ཁྱེར་ཆེན་པོར་བསོད།
331b5 སྙོམ་ལ་གཤེགས་ནས། བཅོམ་ལྡན་འདས་ཀྱི་ཞབས་སྒོའི་ཐེམ་པ་ལ་བཞག་མ་ཐག་ཏུ་སངས་རྒྱས་བཅོམ་ལྡན་འདས་རྣམས་གྲོང་ཁྱེར་དུ་གཤེགས་པ་ན། ངོ་མཚར་རྨད་དུ་བྱུང་བའི་ཆོས་རྣམས
331b6 འབྱུང་བར་འགྱུར་བ་གང་དག་ཡིན་པ་དེ་དག་བྱུང་སྟེ། ལོང་བ་རྣམས་ནི་མཐོང་བར་གྱུར། འོན་པ་རྣམས་ནི་ཐོས་པར་གྱུར། སྨྱོན་པ་རྣམས་ནི་དྲན་པ་རྙེད་པར་གྱུར་ཏོ།། ལྷའི་མེ་ཏོག་གི་ཆར་ཡང
331b7 བབ་བོ། ། སྣང་བ་ཆེན་པོ་ཡང་བྱུང་ངོ་།། སྲང་ཡང་དྲི་མེད་པར་གྱུར་ཏོ།། ལྷའི་སིལ་སྙན་ཡིད་དུ་འོང་བ་དག་ཀྱང་མ་བརྡུངས་པར་གྲག་གོ།། མནར་མེད་པའི་སེམས་ཅན་དམྱལ་བ་ལ་ཐུག་པ
iiif viewer powered by OpenSeadragon
