| e-texts navigator |
| Wylie |
275a1 བཞི་ཐོབ་པ་མེད་དོ། ། དེ་ལྟར་ངའི་སློབ་མ་རྣམས་ཀྱང་རྒྱལ་པོ་སྲིད་སྦྱོར་བ་འམ། བྱ་འདབ་མ་མེད་པ་དང་འདྲ་སྟེ། གཙུག་ལག་ཁང་དང་མཆོད་རྟེན་ཡངས་སྟོང་ཤིང
275a2 ཞིག་རལ་གསོ་བ་ཡང་མེད་དོ། ། ཇི་ལྟར་སྐུ་གཟུགས་དང་བ་དན་རིན་པོ་ཆེའི་གདུགས་ཡོད་པ་དགྲ་ཆ་ཞིག་པ་དང་འདྲ་སྟེ། ཕུར་རོན་དང་བྱེའུ་དང་། ཕག་དང་ཁྱི་དང་ལུག་ལ་སོགས
275a3 པའི་ཚང་དང་གནས་སུ་འགྱུར་རོ། ། དེ་དགེ་སློང་སོ་སོ་ན་འདུག་པའི་གནས་ནི་བྱི་དོར་བཟང་དུ་བྱེད་དོ།། བཅོམ་ལྡན་འདས་ཀྱིས་བཀའ་སྩལ་པ། འདི་ཡང་ཁྱོད་ལ་མདོ་ཙམ་ཞིག་བཤད་པ་ཡིན་ནོ།། དགྲ
275a4 བོས་སངས་རྒྱས་ཀྱིས་གསུངས་པ་ཐོས་ནས་མཆི་མ་གླགས་ཏེ་ངུས་སོ། ། དེ་ལྟར་དགའ་བོ་ཡིད་གདུང་ཞིང་ངུ་བ་མ་བཏང་བ་ལས། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། ཁྱོད་དེ་ལྟར་མ་ངུ་བར
275a5 མདོ་སྡེ་འདི་གཟུངས་སུ་ཟུང་ལ་འཇིག་རྟེན་དུ་རྒྱས་པར་སྤེལ་ཅིག། དེ་ནས་དགའ་བོས་གདོང་མཆི་མ་ཕྱིས་ནས། བཅོམ་ལྡན་འདས་ལ་བདག་གིས་གཟུངས་སུ་བཟུང་ངོ་ཞེས་གསོལ་ཏོ།། བརྒྱ་བྱིན་དང་།
275a6 ལྷ་དང་མི་རྣམས་ཀྱིས་ཀྱང་དགའ་བོ་ལ་འདི་སྐད་ཅེས་སྨྲས་སོ།། བཙུན་པ་བདག་ཅག་གིས་ཀྱང་ཡོངས་སུ་བཟུང་སྟེ། གང་དག་མདོ་སྡེ་འདི་རི་འམ། ཚལ་ལམ་ཤིང་དྲུང་ངམ། བས་མཐའ་འམ་དུར་ཁྲོད
275a7 ན་གནས་ཏེ། འདོན་ཏམ་ཀློག་ན། བདག་ཅག་གིས་ལྷ་དང་མིའི་འཁོར་དང་། མི་མ་ཡིན་པ་དང་བཅས་ཏེ། གནས་དེར་འགྲོ་ཞིང་ཆུང་ངུ་ན་ཚིགས་སུ་བཅད་པ་གཅིག་གམ། ཚིག་གཅིག་ཙམ་ཡང་མི་བརྗེད
iiif viewer powered by OpenSeadragon
