| e-texts navigator |
| Wylie |
264a1 བཞུགས་པ་ལས་འཁོར་མང་པོ་རྣམས་ཐེ་ཙོམ་དུ་གྱུར་ནས། དེ་ནས་འཇམ་དཔལ་གཞོན་ནུ་ཆོས་ཀྱི་རྒྱལ་བུ་འདུག་པ་ལས་ལངས་ཏེ། སངས་རྒྱས་ལ་ལན་གསུམ
264a2 བསྐོར་བ་བྱས་ནས། ཚིགས་སུ་བཅད་པ་འདི་དག་གིས་མངོན་པར་བསྟོད་པ། ཤིན་ཏུ་ལེགས་སོ་ཆོས་ཀྱི་རྗེ།། ཏིང་ངེ་འཛིན་ལ་ཞི་བར་ཞུགས།། འཁོར་གྱི་དཀྱིལ་འཁོར་མང་པོ་རྣམས
264a3 ཐམས་ཅད་ཐེ་ཙོམ་སྐྱེས་པར་གྱུར། ། ཤིན་ཏུ་ལེགས་སོ་ཉི་ཟླའི་འོད།། ཅང་མི་གསུང་བར་སྣང་མི་མཛད།། ཤིན་ཏུ་ལེགས་སོ་རིན་ཆེན་གཏེར།། དབུལ་ཕོངས་རྣམས་ལ་སྦྱིན་པ་མཛད།། ཤིན
264a4 ཏུ་ལེགས་སོ་མི་ཡི་རྒྱལ། ། ཏིང་ངེ་འཛིན་ལས་གཞེངས་སུ་གསོལ།། ཤིན་ཏུ་ལེགས་སོ་ཀླུ་ཡི་རྒྱལ།། བདུད་རྩིའི་ཆར་པ་དབབ་ཏུ་གསོལ།། ཤིན་ཏུ་ལེགས་སོ་ལྷ་ཡི་མཆོག། མྱུར་དུ་ཆོས
264a5 རྣམས་བསྟན་དུ་གསོལ། ། ཤིན་ཏུ་ལེགས་སོ་སེམས་ཅན་ལ།། ཐེག་པ་གཅིག་དོན་བསྟན་དུ་གསོལ།། དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ནས། འཁོར་མང་པོ་རྣམས་ལ་འདི
264a6 སྐད་ཅེས་བཀའ་སྩལ་ཏོ། ། ང་ལ་རིན་པོ་ཆེ་བླ་ན་མེད་པའི་ཡེ་ཤེས་མང་དུ་ཡོད་པས། ཁྱེད་ལ་ཕན་པ་དང་བདེ་བར་མཛད་ཅིང་། དབུལ་ཕོངས་པ་དང་བྲལ་བར་བྱ་བ་ཡོད་ཀྱིས། ཐེ་ཙོམ་བྱེད་པར་ཅི་དང
264a7 འདོད་པ་དྲིས་ཤིག། དེ་ནས་དགའ་བོ་སྟན་ལས་ལངས་ཏེ་སངས་རྒྱས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གིས་ནི་མང་དུ་ཐོས་པས་བླ་ན་མེད་པའི་བྱང་ཆུབ་མྱུར་དུ་འཐོབ་བོ་སྙམ
iiif viewer powered by OpenSeadragon
