| e-texts navigator |
| Wylie |
404a1 ཡང་རྣམ་པ་དྲུག་ཏུ་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས། འགུལ་རབ་ཏུ་འགུལ། ཀུན་ཏུ་རབ་ཏུ་འགུལ། ལྡེག་རབ་ཏུ་ལྡེག། ཀུན་ཏུ་རབ་ཏུ་ལྡེག། འཁྲུགས་རབ་ཏུ་འཁྲུགས།
404a2 ཀུན་ཏུ་རབ་ཏུ་འཁྲུགས། ཆེམ་ཆེམ་རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ། འུར་བུར་རབ་ཏུ་བུར་བུར། ཀུན་ཏུ་རབ་ཏུ་འུར་བུར། ཤར་ཕྱོགས་དམའ་ན་ནུབ་ཕྱོགས་མཐོ།། ནུབ་ཕྱོགས་དམའ་ན
404a3 ཤར་ཕྱོགས་མཐོ། ། བྱང་ཕྱོགས་དམའ་ན་ལྷོ་ཕྱོགས་མཐོ།། ལྷོ་ཕྱོགས་དམའ་ན་བྱང་ཕྱོགས་མཐོ།། མཐའ་དམའ་ན་དབུས་མཐོ།། དབུས་དམའ་ན་མཐའ་མཐོ་སྟེ།། འཇིག་རྟེན་དུ་སྣང་བ་དཔག་ཏུ་མེད་པ
404a4 དག་བྱུང་བར་གྱུར་ཏོ། ། ལྷའི་སྤོས་ཀྱི་ཆར་ཆེན་པོ་ཡང་མངོན་པར་བབ་བོ།། ལྷ་དག་ཀྱང་མེ་ཏོག་གི་ཆར་ཆེན་པོ་གཏོང་ངོ་།། ལྷའི་སིལ་སྙན་བརྒྱ་སྟོང་དག་ཀྱང་སྟེང་གི་བར་སྣང་ལ་བརྡུང་ངོ་།། ལྷའི་ན་བཟའ་དག་ཀྱང
404a5 སྟེང་གི་ནམ་མཁའ་ལ་གཡོབ་ཅིང་ཚིག་འདི་སྐད་ཅེས་ཟེར་རོ། ། གང་གིས་སྙིང་རྗེ་ཆེན་པོ་ལ་འཇུག་པའི་ཆོས་ཀྱི་རྣམ་གྲངས་འདི་ཐོས་པར་འགྱུར་བའི་སེམས་ཅན་དེ་དག་ནི་རྙེད་པ་ལེགས་པར་རྙེད་པ་ཡིན་ཏེ།
404a6 སེམས་ཅན་དེ་དག་སངས་རྒྱས་མང་པོ་ལ་བསྙེན་བཀུར་བྱས་པར་འགྱུར་རོ།། གང་གི་ཆོས་ཐམས་ཅད་ཀྱི་རང་བཞིན་མཉམ་པ་ཉིད་རྣམ་པར་སྤྲོས་པའི་ཏིང་ངེ་འཛིན་འདི་ཐོས་པར་འགྱུར་ཞིང་། ཐོས
404a7 ནས་ཀྱང་ཡི་གེར་འདྲི་བ་དང་། འཛིན་པ་དང་།། ཀློག་པ་དང་། ཀུན་ཆུབ་པར་བྱེད་པ་དང་། ཉོན་མོངས་པ་མེད་པར་སྒོམ་པས་བསྒོམ་པ་དང་། མང་དུ་བྱེད་པ་དང་། གཞན་ལ་ཡང་རྒྱ་ཆེར
iiif viewer powered by OpenSeadragon
