| e-texts navigator |
| Wylie |
398b1 པའོ། ། དེ་ལ་དཔེ་ཤེས་པ་གང་ཞེ་ན། འདི་ལྟ་སྟེ། འདྲ་བ་ཤེས་པ་དང་། གདམས་པ་ཤེས་པའོ།། དེ་ལ་སྟོན་བྱུང་བ་ལ་མཁས་པ་གང་ཞེ་ན། འདི་ལྟ་སྟེ། སྐྱེ་བ་དྲན་པ་དང་། ཐོས་པ་མང་བའོ།།
398b2 དེ་ལ་དགེ་བའི་རྩ་བ་སྔོན་དུ་འགྲོ་བ་གང་ཞེ་ན། འདི་ལྟ་སྟེ། བྱང་ཆུབ་ལ་ཤིན་ཏུ་འདུན་པ་དང་། གཞན་དག་ཀྱང་སྤྲོ་བར་བྱེད་པའོ།། དེ་ལ་ཐབས་མཁས་པ་གང་ཞེ་ན། འདི་ལྟ་སྟེ། སོ་སོར་འཆགས་པ་དང་།།
398b3 རྗེས་སུ་ཡི་རང་བ་དང་། གསོལ་བ་འདེབས་པ་དང་། དགེ་བའི་རྩ་བ་ཡོངས་སུ་བསྔོ་བ་ལ་མཁས་པའོ།། དེ་ལ་མཚན་མ་སྤོང་བ་གང་ཞེ་ན། འདི་ལྟ་སྟེ། ཆོས་རྣམས་རྨི་ལམ་ལྟ་བུར་རྟོགས་ནས། དངོས་དེ
398b4 རྣམ་པར་འཇིག་པའོ། ། དེ་ལ་འདུ་ཤེས་ཟློག་པ་གང་ཞེ་ན། འདི་ལྟ་སྟེ། ཕྱིན་ཅི་ལོག་འདོར་བའོ།། དེ་ལ་དངོས་པོའི་མཚན་ཉིད་གང་ཞེ་ན། འདི་ལྟ་སྟེ། མཚན་ཉིད་མེད་པར་ཤེས་པའོ།། དེ་ལ
398b5 མདོ་སྡེ་མངོན་པར་བསྒྲུབ་པ་ལ་མཁས་པ་གང་ཞེ་ན། འདི་ལྟ་སྟེ། དགེ་བ་དང་། མི་དགེ་བའི་ཆོས་ཡང་དག་པ་ཇི་ལྟ་བ་རྣམས་དཔ་དང་རྟོགས་པ་བརྗོད་པས་ཡང་དག་པར་རབ་ཏུ་སྟོན་པའོ།། དེ་ལ་བདེན།།
398b6 པ་རྣམ་པར་གཏན་ལ་དབབ་པ་གང་ཞེ་ན། འདི་ལྟ་སྟེ། རྣམ་པར་ཤེས་པ་འགོག་པ་དང་། མིང་དང་གཟུགས་མི་སྐྱེ་བའོ།། དེ་ལ་རྣམ་པར་གྲོལ་བ་མངོན་སུམ་དུ་བྱེད་པ་གང་ཞེ་ན། འདི་ལྟ་སྟེ། རྡོ་རྗེ་ལྟ
398b7 བུའི་ཏིང་ངེ་འཛིན་ལས་མི་གཡོ་བ་དང་། མི་འཁྲུག་པའོ།། དེ་ལ་གཅིག་ཏུ་བརྗོད་པ་གང་ཞེ་ན། འདི་ལྟ་སྟེ། མུ་སྟེགས་ཅན་གྱི་གནས་སྨད་པ་དང་། མི་སྐྱེ་བར་ཤེས་པའོ།། དེ་ལ་མི་འཇིགས་པ།
iiif viewer powered by OpenSeadragon
