| e-texts navigator |
| Wylie |
398a1 དེ་ལ་སྙིང་རྗེ་བའི་གློ་གང་ཞེ་ན། འདི་ལྟ་སྟེ། སེམས་ཅན་གྱིས་མ་འོངས་པའི་སྡུག་བསྔལ་ལ་ལྔའོ།། དེ་ལ་ཆོས་ཀྱིས་ཕན་གདགས་པ་གང་ཞེ་ན། འདི་ལྟ་སྟེ། གཞན་དག་ཡང
398a2 དག་པ་ཇི་ལྟ་བ་བཞིན་དུ་ཆོས་ལ་གཟུང་བའོ། ། དེ་ལ་ཟང་ཟིང་ཡོངས་སུ་གཏོང་བ་གང་ཞེ་ན། འདི་ལྟ་སྟེ། ཕུང་པོ་ཡོངས་སུ་གཏོང་བ་དང་། གཞན་ལ་ཟང་ཟིང་གིས་ཕན་འདོགས་པའོ།། དེ་ལ།
398a3 སོགས་པའི་གནས་མེད་པ་གང་ཞེ་ན། འདི་ལྟ་སྟེ། ཟང་ཟིང་ལ་སྨོད་པ་དང་། སྲུང་བའི་ཉེས་པ་མཐོང་བའོ།། དེ་ལ་ཚུལ་ཁྲིམས་བསྔགས་པ་གང་ཞེ་ན། འདི་ལྟ་སྟེ། ཚུལ་ཁྲིམས་ཡོངས་སུ
398a4 རིགས་པའོ། ། དེ་ལ་འཆལ་པའི་ཚུལ་ཁྲིམས་ལ་སྨད་པ་གང་ཞེ་ན། འདི་ལྟ་སྟེ། འཆལ་པའི་ཚུལ་ཁྲིམས་ཀྱི་ཉེས་པ་ཁོང་དུ་ཆུད་པའོ།། དེ་ལ་ཚུལ་ཁྲིམས་ཕུན་སུམ་ཚོགས་པ་དག་ལ་གཡོ
398a5 མེད་པར་སྟེན་པ་གང་ཞེ་ན། འདི་ལྟ་སྟེ། ཚུལ་ཁྲིམས་དང་ལྡན་པ་ལ་རྙེད་པར་དཀའ་བའི་འདུ་ཤེས་སུ་ཤེས་སོ།། དེ་ལ་ཡོད་པ་ཐམས་ཅད་གཏོང་བ་གང་ཞེ་ན། འདི་ལྟ་སྟེ། བསམ་པ་དགེ་བའོ།། །
398a6 དེ་ལ་ལྷག་པའི་བསམ་པས་མགྲོན་དུ་གཉེར་བ་གང་ཞེ་ན། འདི་ལྟ་སྟེ། ཕ་རོལ་ལ་བདེ་བ་འདོད་པའོ།། དེ་ལ་སྨྲས་པ་བཞིན་བྱེད་པ་གང་ཞེ་ན། འདི་ལྟ་སྟེ། བསམ་པ་དགེ་བ་ཕུན་སུམ་ཚོགས་པའོ།། །
398a7 དེ་ལ་རྒྱུན་མི་ཆད་པར་བརྙེན་བཀུར་བྱེད་པ་གང་ཞེ་ན། འདི་ལྟ་སྟེ། དགེ་བ་གང་ཡིན་ཞེས་ཚོལ་ཞིང་འདྲི་བའོ།། དེ་ལ་དགའ་བ་མྱོང་བ་གང་ཞེ་ན། འདི་ལྟ་སྟེ། ཁོང་དུ་ཆུད་པའི་ཤེས་པ་དང་ལུང་གི་ཤེས
iiif viewer powered by OpenSeadragon
