| e-texts navigator |
| Wylie |
397b1 སུན་པར་མི་བྱེད་པ་གང་ཞེ་ན། འདི་ལྟ་སྟེ། ཤེས་ཀྱི་ཁེ་རྣམ་པར་སྤོང་བའོ།། དེ་ལ་བསྟན་པ་བསྲུང་བ་གང་ཞེ་ན། འདི་ལྟ་སྟེ། ཆོས་ཡོངས་སུ་བཙལ་བ་བསྒྲུབ་པ་དང་། ཆོས་ཀྱི་རྗེས་སུ་མཐུན
397b2 པའི་ཆོས་ཀྱི་ནན་ཏན་ནོ། ། དེ་ལ་སྨྲ་བ་ཉུང་བ་གང་ཞེ་ན། འདི་ལྟ་སྟེ། ཞི་གནས་ཐོབ་པའོ།། དེ་ལ་མཉེན་པ་གང་ཞེ་ན། འདི་ལྟ་སྟེ། ལྷག་མཐོང་ཐོབ་པའོ།། དེ་ལ་ཚིག་གི་ལན་ལ་མཁས་པ་གང་ཞེ་ན།
397b3 འདི་ལྟ་སྟེ། ལན་དང་། ཡང་ལན་ཤེས་པའོ།། དེ་ལ་ཕས་ཀྱི་རྒོལ་བ་ཚར་གཅོད་པ་གང་ཞེ་ན། འདི་ལྟ་སྟེ། ཆོས་རྣམས་ཡང་དག་པ་ཇི་ལྟ་བ་བཞིན་དུ་སྟོན་པ་དང་། རྣམ་པར་གཞག་པར
397b4 བྱེད་པ་དང་། ཀླན་ཀ་ཚོལ་བ་ཚར་གཅོད་པའོ།། དེ་ལ་དུས་སུ་འགྲོ་བ་གང་ཞེ་ན། འདི་ལྟ་སྟེ། དུས་ཤེས་པའོ།། དེ་ལ་སོ་སོའི་སྐྱེ་བོ་ལ་ཡིད་མི་རྟོན་པ་གང་ཞེ་ན། འདི་ལྟ་སྟེ། བྱིས་པའི་ཆོས་ལ་སྐྱོན
397b5 དུ་ལྟ་བའོ། ། དེ་ལ་སྡུག་བསྔལ་བ་རྣམས་ལ་བརྙས་པ་མེད་པ་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་ལ་སེམས་མཉམ་པའོ།། དེ་ལ་སྡུག་བསྔལ་བ་རྣམས་ལ་ནོར་རབ་ཏུ་སྦྱིན་པ
397b6 གང་ཞེ་ན། འདི་ལྟ་སྟེ། འཇིག་རྟེན་གྱི་ཟང་ཟིང་གི་སྦྱིན་པའོ།། དེ་ལ་དབུལ་པོ་རྣམས་ལ་མི་སྨད་པ་གང་ཞེ་ན། འདི་ལྟ་སྟེ། ཕ་རོལ་ལ་སྙིང་བརྩེ་བའི་བློའོ།། དེ་ལ་ཚུལ་ཁྲིམས་འཆལ་པ
397b7 རྣམས་ལ་སྙིང་བརྩེ་བ་གང་ཞེ་ན། འདི་ལྟ་སྟེ། ཕ་རོལ་ལྷུང་བ་ལས་དབྱུང་ཞིང་ཚུལ་ཁྲིམས་ལ་རབ་ཏུ་འགོད་པའོ།། དེ་ལ་ཕན་པའི་དངོས་པོ་གང་ཞེ་ན། འདི་ལྟ་སྟེ། གཞན་ལ་ཕན་པ་བྱེད་པའོ།།
iiif viewer powered by OpenSeadragon
