| e-texts navigator |
| Wylie |
397a1 ལ་ཡོངས་སུ་རྟོགས་པ་ཤེས་པའོ། ། དེ་ལ་ཡང་དག་པར་བསྔགས་པ་མི་ལེན་པ་གང་ཞེ་ན། འདི་ལྟ་སྟེ། དགེ་བ་མི་སྤྱོམས་པ་དང་། རྙེད་པ་དང་། བཀུར་སྟི་ལ་བར
397a2 ཆད་དུ་རིག་པའོ། ། དེ་ལ་བཀུར་སྟི་ལ་བཏང་སྙོམས་སུ་བྱེད་པ་གང་ཞེ་ན། འདི་ལྟ་སྟེ། ལས་ཀྱི་རྣམ་པར་སྨིན་པ་རྟོགས་པའོ།། དེ་ལ་བསྟི་སྟང་མེད་པ་ལ་ཞུམ་པར་མི་འགྱུར་བ་གང་ཞེ་ན། འདི
397a3 ལྟ་སྟེ། རྣལ་འབྱོར་མི་གཏོང་བའོ།། དེ་ལ་སྨད་པས་མི་འཁྲུགས་པ་གང་ཞེ་ན། འདི་ལྟ་སྟེ། འཇིག་རྟེན་གྱི་ཆོས་ལ་སོ་སོར་རྟོག་པའོ།། དེ་ལ་བསྟོད་པ་ལ་བཏང་སྙོམས་སུ་བྱེད་པ་གང་ཞེ་ན།
397a4 བ་དི་ལྟ་སྟེ། དགེ་བའི་ཆོས་ཚོལ་ཞིང་འབྱུང་བའོ།། དེ་ལ་རྙེད་པ་མེད་ཀྱང་སེམས་འགོང་བ་མེད་པ་གང་ཞེ་ན། འདི་ལྟ་སྟེ། བདག་གིས་བྱས་པའི་ཆོས་རྣམས་ལ་སོ་སོར་རྟོག་པའོ།། དེ་ལ་ཁྱིམ་པ་དང་།
397a5 མི་སྟེན་པ་གང་ཞེ་ན། འདི་ལྟ་སྟེ། ཟང་ཟིང་ཅི་ཡང་རྣམ་པར་སྤོང་བའོ།། དེ་ལ་རབ་ཏུ་བྱུང་བ་དང་མི་སྟེན་པ་གང་ཞེ་ན། འདི་ལྟ་སྟེ། མི་རིགས་པ་ཡོངས་སུ་སྤོང་བ་དང་། རིགས་པ་ཡོངས་སུ་ཚོལ་བའོ།།
397a6 དེ་ལ་སྤྱོད་ཡུལ་མ་ཡིན་པ་རྣམ་པར་སྤོང་བ་གང་ཞེ་ན། འདི་ལྟ་སྟེ། སྒྲིབ་པ་ལྔ་རྣམ་པར་སྤོང་བའོ།། དེ་ལ་སྤྱོད་ཡུལ་ལ་རབ་ཏུ་སྤྱོད་པ་གང་ཞེ་ན། འདི་ལྟ་སྟེ། དྲན་པ་ཉེ་བར་གཞག་པ་བཞི་སྒོམ་པའོ།།
397a7 དེ་ལ་ཆོ་ག་ཕུན་སུམ་ཚོགས་པ་གང་ཞེ་ན། འདི་ལྟ་སྟེ། ཕ་རོལ་རྗེས་སུ་བསྲུང་བའོ།། དེ་ལ་ཆོ་ག་མ་ཡིན་པ་རྣམ་པར་སྤོང་བ་གང་ཞེ་ན། འདི་ལྟ་སྟེ། བདག་གི་དགེ་བའི་ཆོས་རྗེས་སུ་སྲུང་བའོ།། དེ་ལ་རིགས
iiif viewer powered by OpenSeadragon
