| e-texts navigator |
| Wylie |
361a1 གཤེགས་པ་དང་། ། སངས་རྒྱས་ཐམས་ཅད་མཆོད་པར་འདོད་པ་ཡིས།། ཏིང་འཛིན་འདི་ནི་བཟུང་ཞིང་བཀླགས་པར་གྱིས།། དེ་བཞིན་གཤེགས་པའི་བྱང་ཆུབ་འདི
361a2 ཡིན་ཏེ། ། གཞོན་ནུ་ང་ཡི་ཚིག་ལ་དད་པར་གྱིས།། དེ་བཞིན་གཤེགས་པ་བརྫུན་གྱི་ཚིག་མི་གསུང་།། འདི་འདྲའི་སེམས་ཅན་རྫུན་དུ་སྨྲ་བ་མེད།། སྔོན་གྱི་བསྐལ་པ་བརྒྱ་ཕྲག་བསམ
361a3 ཡས་སུ། ། བྱང་ཆུབ་སྤྱད་པ་མཆོག་འདི་རབ་སྤྱོད་ཅིང་།། ཏིང་འཛིན་འདི་ནི་ཡོངས་སུ་ཚོལ་བའི་ཕྱིར།། ངས་ནི་བདག་ཏུ་ལྟ་བ་འདིར་སྦྱངས་སོ།། དེ་ཕྱིར་ཆོས་ཀྱི་མཛོད་འདི་མཉན་པར་གྱིས།།
361a4 འདི་ལས་མདོ་སྡེ་བྱེ་བ་ཁྲག་ཁྲིག་འབྱུང་།། འདི་ནི་བསོད་ནམས་ཕུང་པོ་མཐའ་ཡས་ཡང་།། འདིས་ནི་སངས་རྒྱས་ཡེ་ཤེས་མྱུར་དུ་འཐོབ།། མཁས་པ་འཇིགས་མེད་དེ་དག་གང་སྟོན་པ།།
361a5 འདི་ནི་མདོ་སྡེ་ཀུན་གྱི་དམ་པའི་མདོ།། དགེ་བ་བསམ་གྱིས་མི་ཁྱབ་འབྱུང་གནས་ཏེ།། ཆོས་དེ་རྣམས་ལ་མཐར་ཐུག་རྙེད་མི་འགྱུར།། སྟོང་ཆེན་དག་ནི་བཅད་ཅིང་བཤིག་ནས་སུ།། རྡུལ་གྱི
361a6 ཚོགས་རྣམས་བགྲང་བར་ནུས་ན་ཡང་། ། མདོ་སྡེ་བརྒྱ་ཕྲག་བསམ་ཡས་ཚད་མེད་པ།། རྒྱུན་མི་ཆད་པར་དེ་སྟོང་བགྲང་མི་ནུས།། སངས་རྒྱས་ཞིང་གི་སེམས་ཅན་ཐམས་ཅད་ཀྱི།། ཕྱི་ནང་རྒྱུ
361a7 བའི་དབུགས་ནི་བགྲང་ནུས་ཀྱང་། ། ཏིང་འཛིན་འདི་ལ་གནས་ནས་གང་སྟོན་པ།། མདོ་སྡེ་དེ་དག་མཐར་ཐུག་ནུས་མི་འགྱུར།། སངས་རྒྱས་ཞིང་ནི་གངྒཱའི་བྱེ་མ་སྙེད།། འགྲོ་བ་དེར་ཡང་སེམས
iiif viewer powered by OpenSeadragon
