| e-texts navigator |
| Wylie |
360b1 པོ་དཔེ་མེད་མཆོག་འདི་ཡིན། ། ཡེ་ཤེས་མཛོད་དེ་དཔག་མེད་འབྱུང་གནས་སོ།། ཏིང་འཛིན་རྡུལ་བྲལ་ཞི་བ་འདི་བཟུང་ན།། བྱང་ཆུབ་སེམས་དཔའ་དེ་ནི་ནོར་ཆེན་འགྱུར།། རྒྱ་མཚོ
360b2 ཆེན་པོ་བཞིན་དུ་ཐོས་པའི་གཏེར། ། དེ་ལ་བསོད་ནམས་ཚད་ཡོད་ཡོང་མི་འགྱུར།། ཆོས་ཀྱི་མཆོག་རྣམས་བསམ་གྱིས་མི་ཁྱབ་པས།། ཤིན་ཏུ་རྒྱས་བྱས་བྱང་ཆུབ་སེམས་དཔའ
360b3 བརྗོད། ། ཏིང་འཛིན་འདི་ནི་སུ་དག་སྟོན་བྱེད་པ།། དེ་ནི་ནམ་ཡང་བྱང་ཆུབ་ཐེ་ཙོམ་མེད།། བསོད་ནམས་ཕུང་པོ་མཆོག་དང་གང་ལྡན་ཞིང་།། གང་ལ་ཚད་མེད་བསམ་གྱིས་མི་ཁྱབ་པ།།
360b4 འཇིག་རྟེན་སློབ་དཔོན་སངས་རྒྱས་རྣམ་པར་འདྲེན།། རང་བྱུང་ཐུགས་རྗེ་ཆེན་པོ་མ་གཏོགས་པར།། དེ་ཡི་འོག་ཏུ་སེམས་ཅན་སུ་དག་ཀྱང་།། སྟོང་ཆེན་འདི་ན་བསོད་ནམས་ཕུང་པོ་དང་།
360b5 མཚུངས་མེད་བསམ་གྱིས་མི་ཁྱབ་ཡེ་ཤེས་ཀྱིས།། མཉམ་པར་གྱུར་པ་ནམ་ཡང་ཡོང་མེད་དོ།། ཏིང་འཛིན་འདི་ནི་ཐོས་ནས་འཛིན་པ་དང་།། ཀློག་ཅིང་ཡོངས་སུ་ཆུབ་པར་བྱེད་པ་དང་།
360b6 མཚུངས་མེད་སངས་རྒྱས་བྱང་ཆུབ་ཚོལ་མ་གཏོགས།། དེ་ཡི་ཡེ་ཤེས་མཚུངས་པ་མེད་པར་འགྱུར།། ཏིང་འཛིན་འདི་ནི་གཟུང་ཞིང་ཀླགས་པ་ཡིས།། བསོད་ནམས་ཕུང་པོ་ཇི་སྙེད་བསགས
360b7 པ་ཡང་། ། གཞོན་ནུ་ཇི་སྟེ་ཆོས་དེ་གཟུགས་ཡོད་ན།། འཇིག་རྟེན་ཁམས་མང་འདིར་ཡང་ཤོང་མི་འགྱུར།། གཞོན་ནུ་དེ་ཕྱིར་བྱང་ཆུབ་སེམས་དཔའ་གང་།། འདས་དང་བྱུང་བའི་དེ་བཞིན
iiif viewer powered by OpenSeadragon
