| e-texts navigator |
| Wylie |
359a1 ཞི་བ་སུ་འདོད་པ། ། སྲིད་པ་གསུམ་དུ་སྡིག་པ་མི་བྱའོ།། རྒྱལ་པོའི་མཆོག་གིས་སྔོན་གྱི་ལས་བཤགས་ཀྱང་།། སྔ་མའི་ཉེས་བྱས་རྣམས་ལས་དེ་མཐར།། མི
359a2 ཟད་གཟུགས་ཀྱི་ལས་རྣམས་སྔར་བྱས་པས། ། དེ་ཤི་དམྱལ་བ་མི་བཟད་མནར་མེད་སོང་།། ང་ཡི་རྣ་བ་དེ་བཞིན་རྐང་ལག་བཅད།། བསྐལ་པ་མཐའ་ཡས་མང་པོར་སྣ་ཡང་བཅད།།
359a3 སྤྱོད་པ་སྤྱོད་ཚེ་མཚོན་ཆ་དབྱིག་ཐོགས་ནས།། འདེབས་བྱེད་ནན་གྱིས་ང་ཡིས་མིག་ཀྱང་ཕྱུང་།། བྱང་ཆུབ་ཕྱིར་ནི་མགོ་ལག་ལུས་བཅད་དང་།། བུ་དང་ཆུང་མ་མིག་དང་རང་གི་ཤ། རྐང་ལག
359a4 དགའ་བའི་སེམས་ཀྱིས་ཡོངས་བཏང་ཡང་། ། སྔོན་གྱི་སྡིག་པའི་ལས་ནི་ཟད་མ་གྱུར།། ཀུན་དགའ་དེ་ལྟར་བསྐལ་པ་མཐའ་ཡས་སྤྱོད།། སངས་རྒྱས་དཔའ་སྡུག་དཔག་ཏུ་མེད་པ་མཐོང།
359a5 བྱང་ཆུབ་སྤྱོད་མཆོག་འདི་ནི་སྤྱོད་པ་ན།། དེ་ཚེ་སྡུག་བསྔལ་འདི་དག་སྔོན་མྱོང་གྱུར།། བྱང་ཆུབ་སེམས་དཔའ་གཟུངས་ལ་གང་གནས་ཤིང་།། བྱམས་སྤྱོད་རྟག་ཏུ་མི་གཡོ་མི་འགུལ་པ།།
359a6 སངས་རྒྱས་རྡུལ་སྦྱངས་ལྷ་ཡི་ལྷ་མཆོད་ནས།། དེ་དག་ནམ་ཡང་ངན་སོང་སར་མི་འགྲོ།། སུམ་ཅུ་རྩ་གཉིས་མཚན་གྱི་གོ་བགོས་པ།། ཆོས་རྗེ་སངས་རྒྱས་བདག་འགྱུར་སུ་འདོད་པ།། ཚུལ
359a7 ཁྲིམས་མ་འདྲེས་གཡོ་བ་མེད་པར་སྲུངས། ། གཟུངས་ལ་རབ་གནས་ཆོས་ཀྱང་བསྟན་པར་གྱིས།། ང་ནི་དེ་ཚེ་རྒྱལ་པོ་དཔའ་བྱིན་ཡིན།། ང་ཡི་བུ་རྣམས་ཕྱི་དུས་ཆོས་སྐྱོང་བ།། མེ་ཏོག་བླ
iiif viewer powered by OpenSeadragon
