| e-texts navigator |
| Wylie |
354a1 གཟུགས་འབར་ཤིང་ལྗོན་མང་པོས་དཀྲིགས། ། གྲུབ་པའི་རིག་འཛིན་གནོད་སྦྱིན་མཆོག་གིས་བསྲུངས།། ལྷ་རྣམས་ཞུགས་ཤིང་བྱ་རྒྱལ་སྒྲ་ཡང་སྒྲོག། ཀུན
354a2 ཏུ་བཟང་པོ་སངས་རྒྱས་རྟག་ཞུགས་པ། ། ནགས་ཚལ་དམ་པ་དགའ་བ་བོར་ནས་ནི།། བགྱི་བ་གང་ཕྱིར་ཁྱོད་ནི་འདིར་བྱོན་པ།། དེས་པ་བགྱི་བ་དེ་དེང་བདག་ལ་བསྲུངས།། ཁྱོད་ཀྱིས
354a3 ཚིག་ཐོས་ནས་ནི་བཀའ་བཞིན་བགྱི། ། སངས་རྒྱས་སྲས་པོ་བཞེངས་ལ་བཀའ་སྩོལ་ཅིག། ཀྱེ་མ་ད་ནི་ཅི་བགྱི་ལྷ་ཡི་ལྷ།། བདག་ནི་མགོན་མེད་ཁྱོད་ཀྱི་སྐྱབས་སུ་མཆི།། གཅིག་པུ་སེང
354a4 གེ་རི་དགས་རྒྱལ་པོ་ལྟར། ། དགེ་སློང་དགེ་འདུན་མཆོག་གི་ཁྱུ་བོར་ནས།། སེམས་ཅན་མཐའ་ཡས་པ་ལ་ཐུགས་བརྩེའི་ཕྱིར།། རང་གི་སྲོག་ཀྱང་བཏང་སྟེ་འདིར་བྱོན་ན།། འདོད་ཆགས་ཟིལ
354a5 ནོན་ཤིན་ཏུ་འཇུངས་པ་ཡིས། ། བདག་གིས་དཔའ་བོ་དུམ་བུ་དུམ་བུར་བཅད།། འདིར་ནི་དགེ་སློང་དགེ་འདུན་མཐའ་དག་ཀྱང་།། ཁྱོད་ལ་ལྟ་བར་ཕོ་བྲང་མ་ལྷགས་པར།། བདག་ནི་འཇིགས
354a6 སྐྲག་ཁྱོད་ལ་ཅིག་གསོལ་པ། ། བདེ་བར་གསོལ་བར་གཅིག་ནི་མཛད་པར་འོས།། མེ་ཏོག་ཟླ་མཛེས་མི་འཇིགས་བདག་སྩོལ་ལ།། ཉ་དུས་ཟླ་བ་ཉ་འདྲར་བཞེངས་སུ་གསོལ།། སེམས
354a7 ཅན་གཙོ་བོ་བདག་ལ་གནང་བར་མཛོད། ། ཆོས་སྨྲ་ཁྱོད་ནི་ཞེ་སྡང་རྣམ་པར་གྲོལ།། དི་རིང་བདག་ལ་སྣ་ཅིག་སྣང་བར་མཛོད།། ཉི་མ་བཞིན་དུ་སྣང་མཛད་བཞེངས་སུ་གསོལ།། ཆོས་སྨྲ
iiif viewer powered by OpenSeadragon
