| e-texts navigator |
| Wylie |
352b1 ཡིད་ཀྱང་མི་དགར་གྱུར། ། ཡབ་ཅིག་དེ་སྐད་ཀྱི་ནི་ཚིག་མ་གསུང་།། དགེ་སློང་འདི་འདྲ་བདག་ཅག་མི་འགུམས་སོ།། བསྐལ་པ་བྱེ་བ་གངྒཱའི་བྱེ་སྙེད་དུ།། བདག་ཅག་ལུས
352b2 དང་ཡན་ལག་བཅད་བཏུབས་ཀྱང་། ། དགེ་སློང་འདི་ནི་འགུམས་པར་མི་བགྱིད་དེ།། འདི་ལྟར་བདག་ཅག་བྱང་ཆུབ་སེམས་སྐྱེས་སོ།། རྒྱལ་པོ་དེ་ཚེ་བུ་ཡི་ཚིག་ཐོས་ནས། ཁྲོས་ཏེ
352b3 གསོད་པའི་གཤེད་མ་འབངས་ལ་སྨྲས། ། ང་ཡི་བཙུན་མོའི་མདུན་ན་འདུག་པ་ཡི།། དགེ་སློང་འདི་ནི་མྱུར་དུ་གསོད་དེ་ཕུལ།། དེ་ནས་གསོད་པའི་གཤེད་མ་ཕྱི་བཞིན་འོངས།། ཤིན་ཏུ
352b4 གཏུམ་སེམས་དགའ་བྱེད་སྙིང་རྗེ་མེད། ། འབྲུ་མར་ངར་བཏགས་རལ་གྲི་ཐོགས་ནས་སུ།། དེ་ཡིས་དགེ་སློང་དུམ་བུ་བརྒྱད་དུ་བྱས།། དེ་ཡི་ལུས་དང་ཡན་ལག་བཅད་པ་ལས།། ཁྲག
352b5 ཀྱང་མི་ཟག་འོད་ཟེར་སྟོང་བྱུང་སྟེ། ། བཅད་པའི་འཕྲོ་ནས་དཔལ་བེའུ་འཁོར་ལོ་དག། མཚན་རྣམས་དེ་ཡི་ལུས་ཀྱི་ནང་དུ་ཡོད།། ཤིན་ཏུ་མ་རུངས་ལས་ནི་བྱས་ནས་སུ།། བསྐྱེད
352b6 མོས་ཚལ་དུ་དེ་ཡི་མོད་ལ་བྱུང་། ། དགེ་སློང་མེ་ཏོག་ཟླ་མཛེས་དྲན་ནས་ནི།། དགེ་སློང་དེ་ཡི་རྩེད་མོ་དགའ་བར་མ་གྱུར་ཏོ།། རིངས་པའི་གཟུགས་སུ་མྱུར་ཞིང་འགྱོགས་པར་ནི།། དེ་ནས
352b7 བདག་གི་རྒྱལ་པོའི་ཕོ་བྲང་སོང་། ། གང་དུ་དགེ་སློང་དུམ་བུ་བརྒྱད་བྱས་པ།། ས་ཕྱོགས་དེར་ནི་ཤིང་རྟར་ཞུགས་ནས་ཕྱིན།། ལྷ་རྣམས་ཁྲག་ཁྲིག་མང་པོ་བར་སྣང་ལ།། ཚེ་ངེས་བདེངས།
iiif viewer powered by OpenSeadragon
