| e-texts navigator |
| Wylie |
351b1 ལ་མེབ་བར་བ་ལྟ་བུས་བརྩོན་འགྲུས་བརྩམས་པས། སེམས་ཅན་ཐམས་ཅད་ལ་སྙིང་རྗེ་ཆེན་པོ་བསྐྱེད་དེ། དཔེར་ན་དབེན་པ་ན་བདེ་བར་གནས་པ་དང་། དགོན་པ་དང་། ནགས་ཁྲོད
351b2 སྤང་ཏེ། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དང་། རི་ཁྲོད་རྣམས་སུ་ཞུགས་ཏེ། ཅི་ནས་སེམས་ཅན་དེ
351b3 དག་ཉན་ཐོས་ཀྱི་བྱང་ཆུབ་དང་། རང་སངས་རྒྱས་ཀྱི་བྱང་ཆུབ་ལས་ཕྱིར་མི་ལྡོག་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བ་དེ་ལྟ་བུར
351b4 སེམས་ཅན་རྣམས་ལ་ཆོས་བསྟན་པར་བྱའོ། ། དེ་ནས་ཡང་བཅོམ་ལྡན་འདས་ཀྱིས། དེའི་ཚེ་ཚེ་དང་ལྡན་པ་ཀུན་དགའ་བོ་ལ་སྔོན་བྱུང་བའི་གཏམ་བསྟན་པ་འདི་ཉིད་རྒྱ་ཆེར
351b5 ཚིགས་སུ་བཅད་པའི་དབྱངས་ཀྱིས་རྒྱས་པར་རབ་ཏུ་བསྟན་ཏོ། ། ངས་སྔོན་སྤྱད་པ་དག་ནི་སྤྱོད་པ་ན།། དེ་ཚེ་རྒྱལ་པོ་དཔའ་བས་བྱིན་པར་གྱུར།། རྒྱལ་པོའི་ཕོ་བྲང་རིན་ཆེན་ལྡན་ཞེས
351b6 བྱ། ། བསྐྱེད་མོས་ཚལ་གྱི་སར་ནི་བྱུང་བར་གྱུར།། ཤིང་རྟར་ཞུགས་པས་དེ་ཚེ་དགེ་སློང་མཐོང་།། ཀུན་ནུས་མཛེས་ཤིང་བལྟ་ན་སྡུག་པ་སྟེ།། སུམ་ཅུ་རྩ་གཉིས་མཚན་གྱི་གོ།
351b7 བགོས་པ།། ཕྱོགས་རྣམས་ཐམས་ཅད་དུ་ཡང་སྣང་བར་བྱེད།། མེ་ཏོག་ཟླ་མཛེས་ཕྱོགས་སུ་གྲགས་པ་སྟེ།། སྙིང་རྗེ་གནས་པ་རབ་ཕན་སྙིང་བརྩེ་བ།། དཔལ་དང་གཟི་བརྗིད་དག
iiif viewer powered by OpenSeadragon
