| e-texts navigator |
| Wylie |
349a1 བཞིན་ཏེ། ། བསམ་གཏན་སྟེན་ཅིང་ཤེས་རབ་ཕ་རོལ་སོང་།། སེམས་ཅན་དག་གྲིས་དོན་ཀྱང་རབ་ཏུ་བྱེད།། འཇིག་རྟེན་ལྷ་དང་མིར་བཅས་ཐམས་ཅད་ཀྱང་།།
349a2 བྱམས་པས་རྒྱལ་བ་ལ་ནི་རབ་ཏུ་བལྟ།། དེ་ཕྱིར་མིག་ནི་མུན་ནག་གཏིབས་གྱུར་ཀྱང་།། བྱང་ཆུབ་ཞི་བ་ཉིད་ནི་འཚང་རྒྱ་འགྱུར།། རྟ་དང་བ་གླང་ཡང་ཐོག་ཁྲི་རྣམས་དང་།། ཁྱོགས་དང་སྔས
349a3 རྣམས་ཀྱང་ནི་དེ་བཞིན་དེ། ། གླང་པོ་དག་དང་བཞོན་དང་དགལ་བ་དང་།། གྲོང་དང་ཡུལ་འཁོར་དགའ་བས་གཏོང་བར་བྱེད།། གྲོང་ཁྱེར་དང་ནི་རྒྱལ་སྲིད་ཡོང་གཏོང་ཞིང་།། གསེར་དང་དངུལ
349a4 དང་ཤེལ་དང་བྱི་རུ་དང་། ། དེ་བཞིན་གནས་དང་བུ་དང་བུ་མོ་དང་།། རང་གི་མགོ་ཡང་གཏོང་ཞིང་བྱང་ཆུབ་ཞུགས།། མེ་ཏོག་དང་ནི་སྤོས་དང་བདུག་པ་དང་།། གདུགས་དང་རྒྱལ་མཚན
349a5 ལྷའི་བ་དན་དང་། ། རོལ་མོའི་ཆ་སྤྱད་སྣ་ཚོགས་ཐོགས་ནས་ནི།། དགའ་ནས་མཆོད་པ་མཚུངས་པ་མེད་པ་བྱེད།། སྲིད་པ་དག་ནི་སྟོང་པར་ཤེས་ནས་ཀྱང་།། སྲིད་པའི་འགྲོ་བ་དག་ལ་དགའ
349a6 མི་བྱེད། ། དེ་ཕྱིར་སྟོབས་བཅུ་མཚན་གྱིས་རྣམ་བརྒྱན་ཅིང་།། ཕྱོགས་བཅུ་ཐམས་ཅད་དུ་ཡང་སྣང་བར་བྱེད།། བྱང་ཆུབ་སེམས་དཔའ་གཟུངས་ལ་གང་གནས་པ།། འདོད་པའི་ཁམས
349a7 རྣམས་དང་ནི་གཟུགས་ཀྱི་ཁམས། ། གཟུགས་མེད་ཁམས་ལ་དེ་དག་མི་ཆགས་ཏེ།། ཁམས་གསུམ་དག་ལ་སྔ་ནས་ཆགས་པ་མེད།། བྱང་ཆུབ་སེམས་དཔའ་གཟུངས་ལ་གང་གནས་པ
iiif viewer powered by OpenSeadragon
