| e-texts navigator |
| Wylie |
348a1 དུ་མཚུངས་མེད་བཟོད་སྒོམས་པ། ། མེ་ཏོག་ཟླ་མཛེས་རྒྱལ་པོའི་ཁབ་འདིར་བསད།། བསྐལ་པ་མཐའ་ཡས་རྟག་ཏུ་བརྩོན་ལྡན་ཞིང་།། ཞུམ་མེད་སེམས་ཀྱིས
348a2 བསམ་གཏན་བཞི་ལ་སྒོམ། ། ཉོན་མོངས་པཇོམས་པའི་ཤེས་རབ་གང་བསྟེན་པ།། མེ་ཏོག་ཟླ་མཛེས་རྒྱལ་པོའི་ཁབ་འདིར་བསད།། ལུས་ལ་ཕངས་པ་ཐམས་ཅད་རབ་སྤངས་ཤིང་།། དེ་བཞིན
348a3 སྲོག་ལ་མ་ཆགས་གྱུར་ནས་ནི། ། ཀུན་ཏུ་བཟང་པོའི་ནགས་ནས་བབས་ནས་སུ།། མེ་ཏོག་ཟླ་མཛེས་རྒྱལ་པོའི་ཁབ་འདིར་བསད།། ལྷའི་ཆོ་དེའི་སྙིང་རྗེ་ཐོས་ནས་ནི།། དགེ་སློང་དེ་ཀུན།
348a4 ཤིན་ཏུ་སྡུག་བསྔལ་ནས།། མེ་ཏོག་ཟླ་མཛེས་ཉེས་མེད་བསད་པ་ལ།། ལྟ་བའི་ཕྱིར་ཡང་ཐམས་ཅད་གྲོང་དུ་ལྷགས།། དེས་པ་དེ་དག་རྒྱལ་པོའི་ཁབ་འོངས་ནས།། དགེ་སློང་དུམ་བུ་དུམ་བུར
348a5 བྱས་མཐོང་སྟེ། ། ཉམ་ཐག་སྐད་ཀྱིས་མི་བཟང་ཆོ་ངེས་འདེབས།། དེ་དག་ཐམས་ཅད་བརྒྱལ་ནས་ས་ལ་འགྱེལ།། དགེ་སློང་དགེ་འདུན་རྒྱལ་པོ་དེ་ལ་སྨྲས།། ཚུལ་ཁྲིམས་སྐྱོན་མེད་ཤིན་ཏུ
348a6 བབསྡམས་པ་ཡི། ། དགེ་སློང་འདིས་ནི་ཉེས་པ་ཅི་ཞིག་བྱས།། འདི་ནི་སྔོན་གྱི་སྐྱེ་བ་བསམ་ཡས་དྲན།། འདི་ནི་ཡེ་ཤེས་གཟུངས་དབང་ཕ་རོལ་ཕྱིན།། འདི་ནི་འདུས་བྱས་འདི་དག་སྟོང་པར
348a7 ཤེས། འདི་ནི་འགྲོ་བ་དག་ལ་མཚན་མེད་སྟོན།། འདི་ནི་སྨོན་ལམ་འདུ་ཤེས་ཐམས་ཅད་སྤངས།། འདི་ནི་ཡིད་འོང་སྙན་པའི་སྒྲ་དབྱངས་འབྱིན།། འདི་ནི་ངེས་ཤིང་དབང་པོ་རབ་དུ་ནི།།
iiif viewer powered by OpenSeadragon
