| e-texts navigator |
| Wylie |
347a1 བྱཱ་ཡིས་གང་ཞིང་མེ་ཏོག་དྲི་ཞིམ་རྒྱུས།། དེ་ན་དགེ་སྦྱོང་ཚོགས་གཞན་རབ་མང་བ།། བུ་གཅིག་པ་ནི་མ་དང་བྲལ་བ་བཞིན།། དགེ་སློང་བཞེངས་ལ་ནགས་སུ
347a2 གནས་པར་མཛོད། ། མི་ཡི་དོན་ཀྱང་ཤིན་ཏུ་རྒྱ་ཆེར་བགྱིས།། རྒྱལ་པོའི་ཕོ་བྲང་འཁོར་འདིར་བྱོན་པའི་ཚེ།། དགེ་སློང་ཤིན་ཏུ་སྙིང་རྗེར་ངུ་ཞིང་ཚོལ།། ལག་པ་གཡས་པས་མེ
347a3 ཏོག་རྒྱལ་མཚན་ཐོགས། ། གཡོན་པ་ཡིས་ཀྱང་བལྟ་སྡུག་མཛེས་པ་གཞན།། ལམ་ཡང་སྦྱངས་ཤིང་གོས་ཀྱིས་ཁེབས་པར་གཡོགས།། དགེ་སློང་བཞེངས་ལས་ཆོས་མཆོག
347a4 བཤད་པ་མཛོད། ། རྒྱལ་པོའི་ཁབ་འདིར་ཁྱོད་ཞུགས་རིང་ལོན་ཡང་།། དགེ་སློང་རབ་ཏུ་སྙིང་རྗེར་ངུ་ཞིང་ཚོལ།། རྒྱལ་བ་མཆོག་གི་བསྟན་པ་འཇིག་པའི་ཚེ།། ཁྱོད་ཀྱི་སྲོག
347a5 གི་བར་ཆད་འགྱུར་དུ་དོགས། ། ཇི་ལྟར་སྐྱེས་བུ་མཐུ་ཆེན་ལ་ལ་དག། ཕྱོགས་དང་ཕྱོགས་མཚམས་རྟག་ཏུ་སྒྲ་གྲགས་པ།། སྲིད་གསུམ་འདི་ཀུན་ཐམས་ཅད་ཟིལ་མནན་ནས།།
347a6 གཡང་ས་ཆེན་པོར་མཆོངས་ཏེ་སར་ལྷུང་ལྟར།། དེ་བཞིན་དགེ་སློང་མཚན་མཆོག་རབ་བརྒྱན་པ།། བྱད་བཞིན་བཟང་པོ་ས་འདིར་འགྱེལ་པར་གྱུར།། མེ་ཏོག་ཟླ་མཛེས་ཞེ་སྡང་གཏུམ་མེད་པ།།
347a7 བདག་གིས་སྡིག་པའི་སེམས་ཀྱིས་དུམ་བུར་བླགས།། མེ་ཏོག་ཟླ་མཛེས་བཀྲོངས་ནས་སར་ལྷུང་བ།། ཆོས་སྨྲ་འདི་ནི་མཐོང་ནས་མྱུར་བ་ཡང་།། དགེ་སློང་ཐམས་ཅད་སྡུག་བསྔལ་གཟིར
iiif viewer powered by OpenSeadragon
