| e-texts navigator |
| Wylie |
340b1 ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་དུ་འོངས་ནས་སེམས་ཅན་རྣམས་ལ་ཆོས་བསྟན་ཏེ། དེ་སྔ་དྲོ་དེར་འོངས་ནས་སྲོག་ཆགས་ཁྲག་ཁྲིག་ཕྲག་དགུ་བཅུ་རྩ་དགུ་ཐུ་ན་མེད
340b2 པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ལ་བཀོད་དོ། ། ད་དུང་རྒྱལ་པོའི་ཕོ་བྲང་དེར་མ་ཕྱིན་ནས་དེ་མཐར་གྱིས་རྒྱལ་པོའི་ཕོ་བྲང་འཁོར་རིན་ཆེན་ལྡན་པ་དེར་ཕྱིན་པ་དང་།
340b3 རྒྱལ་པོའི་ཕོ་བྲང་འཁོར་རིན་ཆེན་ལྡན་པ་དེར་ཉེ་བར་སོང་སྟེ། ཤིང་པླག་ཤ་དང་། ས་ལའི་དྲུང་དུ་འདུག་གོ། དེ་དེའི་ནུབ་མོ་འདས་པ་དང་། རྒྱལ་པོའི་ཕོ་བྲང་རིན་ཆེན་ལྡན་དུ་ཞུགས
340b4 པར་གྱུར་ཏེ། ཞུགས་ནས་སྲོག་ཆགས་བྱེ་བ་ཕྲག་སུམ་ཅུ་རྩ་དྲུག་སངས་རྒྱས་ཀྱིས་ཆོས་ལ་ཕྱིར་མི་ལྡོག་པར་བཀོད་ཀྱང་། ད་དུང་ཟས་ཀྱི་བྱ་བ་མ་བྱས་སོ།། དེ་ཟས་བཅད་པ་བཅད
340b5 ནས་རྒྱལ་བའི་འཁོར་རིན་ཆེན་ལྡན་ནས་བྱུང་སྟེ། བཅོམ་ལྡན་འདས་ཀྱིས་སེན་མོའི་མཆོད་རྟེན་གང་ན་ཡོད་པ་དེར་སོང་སྟེ། འགྲེང་བཞིན་དུ་ཉིན་མཚན་འདས་པར་བྱས་སོ།། དེ་དེའི
340b6 ནུབ་མོ་འདས་ནས། དེའི་སྔ་དྲོ་གཉིས་པ་ལ། རྒྱལ་པོའི་ཕོ་བྲང་འཁོར་རིན་ཆེན་ལྡན་དུ་ཞུགས་ནས། སྲོག་ཆགས་བྱེ་བ་ཕྲག་ཉི་ཤུ་གསུམ་སངས་རྒྱས་ཀྱི་ཆོས་ལུས་ཕྱིར་མི་ལྡོག་པར་བཀོད་དེ།
340b7 ད་དུང་ཟས་ཀྱི་བྱ་བ་མ་བྱས་སོ།། དེ་ཟས་གཉིས་པ་བཅད་པ་བཅད་ནས། རྒྱལ་པོའི་ཕོ་བྲང་འཁོར་རིན་ཆེན་ལྡན་ནས་བྱུང་སྟེ། བཅོམ་ལྡན་འདས་ཀྱིས་སེན་མོའི་མཆོད་རྟེན་གང་ན་ཡོད་པ
iiif viewer powered by OpenSeadragon
