| e-texts navigator |
| Wylie |
339a1 བསྟན་པ་འགག་པར་འགྱུར་བའི་ཚེ། ། ཉིན་མཚན་དུ་ནི་བསླབ་པ་གཅིག་སྤྱོད་པ།། བསོད་ནམས་འདི་ནི་དེ་བས་བྱེ་བྲག་འཕགས།། སྐྱེས་བུ་ཁྱུ་མཆོག་གི་ནི་དམ
339a2 པའི་ཆོས། ། འཇིག་པར་འགྱུར་ཚེ་གང་དག་བཏང་སྙོམས་སྐོམ།། དེ་ཡིས་རྒྱལ་བ་བཀུར་སྟི་བྱས་མ་ཡིན།། འདྲེན་པ་དག་ལ་རི་མོར་དེས་མ་བྱས།། ཁྱེད་བདེ་རང་གི་དོན་གྱིས་ལ།། བདག་ཉིད
339a3 རབ་ཏུ་བསྲུང་བར་གྱིས། ། ཁྱེད་ནི་རྟག་ཏུ་བྱམས་གནས་ཤིང་།། འདུལ་བ་འདི་ལ་བག་ཡོད་གྱིས།། མ་འདྲེས་དག་གཙང་དྲི་མེད་པ།། ཚུལ་ཁྲིམས་དྲང་པོར་བསྲུང་བར་གྱིས།།
339a4 གིས་ཚུལ་ཁྲིམས་དྲི་མ་མེད།། སངས་རྒྱས་བསྔགས་པ་བསྲུངས་པ་ནི།། དེ་ཡིས་ཇི་སྙེད་སྔོན་བྱུང་བ།། བདེ་གཤེགས་ཐམས་ཅད་རི་མོར་བྱས།། དེ་ཡིས་ཐམས་ཅད་བསླབས
339a5 པ་ཡིན། ། སྐྱེ་བོའི་ཚོགས་རྣམས་བྱང་ཆུབ་བཀོད།། སྔོན་གྱི་སངས་རྒྱས་དག་གིས་བསྟོད་པ་ཡི།། ཚུལ་ཁྲིམས་དྲི་མ་མེད་པ་སུས་བསྲུང་བ།། དེ་དག་གིས་ནི་སེམས་ཅན་མ
339a6 པོ་ཡང་། ། སེམས་ཅན་དམྱལ་བ་དང་ནི་སྡིག་ལས་དྲངས།། ཆོས་མཆོག་རིན་ཆེན་སྦྱིན་པ་སྦྱིན་པར་གྱིས།། བཟོད་པ་དག་ཀྱང་རྟག་དུ་བསྲུང་གྱིས་ལ།། དགོན་པར་གནས་ཤིང
339a7 ཏིང་འཛིན་མཁས་པ་དང་། ། འཇམ་ཞིང་མཉེན་པ་དག་ཀྱང་བསྒོམ་པར་གྱིས།། རྣམ་པ་ཀུན་ཏུ་རྩོད་པ་མ་བྱེད་པ།། སྤྱད་པ་ཞི་མཆོག་འདི་ལ་རྣམ་པར་སྤྱོད།། བདག་ནི་སེམས
iiif viewer powered by OpenSeadragon
