| e-texts navigator |
| Wylie |
338b1 སྡུག་ཏེ། དང་པོའི་ལང་ཚེ་དང་ལྡན་ཞིང་། ན་ཆོད་དར་ལ་བབ་སྟེ། མདོག་ནི་གསེར་བཅོམ་བཟང་པོ་འདྲ། བྲལ་བ་ནི་དུང་དང་། ཟླ་བ་དང་། མེ་ཏོག་ཀུན་དའི་ཁ་དོག་ལྟ་བུའི་མཛོད་སྤུས
338b2 བརྒྱན། སྐྲ་དང་གཙུག་ཏོར་ནི་མཐོན་མཐིང་ལ་ལྕང་ལོར་འཁྱིལ་བ་ཡིན་པས། རྒྱལ་པོ་འམ། རྒྱལ་པོའི་བློན་པོ་འམ།། དེ་དང་འདྲ་བ་གཞན་དག་ཀྱང་ཕྲག་དོག་དང་། འཇུངས་པས་ནོན་པའི་སེམས་ཀྱིས།
338b3 ཁྱོད་ཀྱི་སྲོག་བཅད་ན་མ་ལེགས་སོ།། དེ་ནས་ཆོས་སྨྲ་བ་མེ་ཏོག་ཟླ་མཛེས་ཀྱིས། བྱང་ཆུབ་སེམས་དཔའི་ཚོགས་ཆེན་པོ་དེ་ལ་འདི་སྐད་དུ་གལ་ཏེ་ཁོ་བོས་བདག་ཉིད་བསྲུང་བ་བྱས་ན། ཁོ་བོས་འདས་པ
338b4 དང་མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱིས་བསྟན་པ་བསྲུང་བར་མི་འགྱུར་ཞེས་ཟེར་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ།། བདག་དུ་འདུས་ཤེས་འདི
338b5 ལ་གནས་ནས་སུ། ། བསྟན་པ་འདི་ལ་བསྲུང་བར་ཡོད་མི་ནུས།། མི་ཟད་ཕྱི་དུས་བདེ་བར་གཤེགས་པ་ཡི། བྱང་ཆུབ་བསྟན་པ་བཀོད་པ་ཆེན་པོ་ཡི།། གང་གིས་བདག་ཏུ་འདུ་ཤེས་ཀུན་སྤངས
338b6 ཤིང་། སེམས་ཅན་འདི་དག་གང་ཟག་སྤུ་རྣམས་དང་།། གཟུགས་དང་སྒྲ་དང་དྲི་དང་རོ་རྣམས་དང་།། རེག་བྱ་སྤོང་བ་དེ་ནི་བསྟན་པ་སྲུང་།། བསྐལ་པ་བྱེ་བ་གངྒཱའི་བྱེ་སྙེད་དུ།། དང་བའི
338b7 སེམས་ཀྱིས་ཟས་དང་སྐོམ་རྣམས་དང་། ། གདུགས་དང་བ་དན་མར་མེའི་འཕྲེང་བ་ཡིས།། སངས་རྒྱས་བྱེ་བ་ཁྲག་ཁྲིག་རིམ་གྲོ་བྱས།། གང་གིས་དམ་ཆོས་རབ་ཏུ་འཇིགས་པ་དང་།། བདེ་གཤེགས
iiif viewer powered by OpenSeadragon
