| e-texts navigator |
| Wylie |
337a1 རྒྱལ་པོ་དཔའ་བ་བྱིན་གྱི་རྒྱལ་པོའི་ཕོ་བྲང་འཁོར་རིན་ཆེན་ལྡན་ཞེས་བྱ་བ་ཡངས་ཤིང་རྒྱ་ཆེ་ལ་སྒོ་བཞི་ཡོད་པ། སྟེ་གྲ་བུ་དང་། སྒོ་ཁང་དང་། རྟ་བབས་དང་། སྐར་ཁུང་དང་། པུཅུ
337a2 དང་ཁང་པ་དང་། ཁང་པ་བརྩེགས་པ་དང་། སྐྱེད་མོས་ཚལ་གྱིས་བརྒྱན་ཅིང་། རྣམ་པར་བཀྲ་བ། བལྟ་ན་སྡུག་པ་ལྷའི་གནས་བཞིན་དུ་སྣང་བ། སེམས་ཅན་གྲངས་མེད། དཔག་ཏུ
337a3 མེད་པའི་གནས་སུ་གྱུར་པ་ཞིག་ཡོད་དོ། ། ཀུན་དགའ་བོ་དེའི་ཚེ་དེའི་དུས་ན། མདོ་སྡེ་པ་དི་ལྟ་བུ་དག་ནི་སྐྱེ་བོ་མང་པོས་སྨད་ཅིང་། སྐྱེ་བོ་མང་པོས་སྤངས་ཏེ། སྐྱེ་བོ་མང་པོ་དང་མི་འཕྲོད་ཅིང
337a4 སྐྱེ་བོ་མང་པོས་བོར་བར་གྱུར་ཏེ། འཇིགས་པ་ཆེན་པོ་མི་བཟད་པའི་དུས་སུ་གྱུར་པ། གཙེ་བ་མང་ཞིང་ཆར་ཆེས་པའི་དུས་ཀྱི་ཚེ། ཆར་མི་འབབ་པའི་དུས་ཀྱི་ཚེ། དུས་མ་ཡིན་པར་ཆར
337a5 འབབ་པའི་དུས་ཀྱི་ཚེ། སྦྲུལ་བྱུང་བའི་དུས་ཀྱི་ཚེ། ལྕེ་འབབ་པའི་དུས་ཀྱི་ཚེ། མུ་ག་འབྱུང་བའི་དུས་ཀྱི་ཚེ། ལོག་པར་ལྟ་བའི་དུས་ཀྱི་ཚེ། ཡང་དག་པ་མ་ཡིན་པར་ལྟ་བའི་དུས
337a6 ཀྱི་ཚེ། མུ་སྟེགས་ཅན་གྱི་གསང་སྔགས་ཡོངས་སུ་ཚོལ་བའི་དུས་ཀྱི་ཚེ། སངས་རྒྱས་ཀྱི་བྱང་ཆུབ་རབ་ཏུ་འཇིག་པར་འགྱུར་བའི་དུས་ཀྱི་ཚེ། བྱང་ཆུབ་སེམས་དཔའ་བདུན་སྟོང་གྲོང་དང་།
337a7 གྲོང་ཁྱེར་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དང་། ལྗོངས་ནས་སྤྲད་ནས། དེ་དག་ཆོས་སྨྲ་བ་མེ་ཏོག་ཟླ་མཛེས་དང་ལྷན་ཅིག་ཀུན་ཏུ་བཟང་པོ་ཞེས་བྱ
iiif viewer powered by OpenSeadragon
