| e-texts navigator |
| Wylie |
336b1 རིན་པོ་ཆེའི་པདྨའི་ཟླ་བ་རྣམ་པར་དག་པ་མངོན་པར་འཕགས་པའི་རྒྱལ་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཚེའི་ཚད་ནི། བསྐལ་པ་བྱེ་བ་ཁྲག
336b2 ཁྲིག་ཕྲག་དགུ་བཅུ་རྩ་དགུར་གྱུར་ཏོ། ། ཉི་མ་ཐམས་ཅད་ལ་ཉིན་རེ་ཞིང་ཡང་། སེམས་ཅན་བྱེ་བ་ཁྲག་ཁྲིག་བརྒྱད་སྟོང་ཕྲག་དགུ་བཅུ་རྩ་དགུ། སངས་རྒྱས་ཀྱི་ཆོས་ལས་ཕྱིར་མི་ལྡོག་པ་ལ
336b3 བཀོད་དོ། ། རབ་ཏུ་བཀོད་ཅིང་ཡོངས་སུ་མྱ་ངན་ལས་འདས་ནས། སེམས་ཅན་གྲངས་མེད་དཔག་ཏུ་མེད་པ་རྣམས་ཟག་པ་ཟད་པ་དགྲ་བཅོམ་པ་ཉིད་ལ་བཀོད་དོ།། རབ་ཏུ་བཀོད་ཅིང
336b4 ཡོངས་སུ་མྱ་ངན་ལས་འདས་ནས། སེམས་ཅན་གྲངས་མེད་དཔག་ཏུ་མེད་པ་དག། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ལ་བཀོད་དེ།། ཡོངས་སུ་མྱ་ངན
336b5 ལས་འདས་པར་གྱུར་ཏོ། ། ཀུན་དགའ་བོ་དེའི་ཚེ་བཅོམ་ལྡན་འདས་རིན་པོ་ཆེའི་པདྨའི་ཟླ་བ་རྣམ་པར་དག་པ་མངོན་པར་འཕགས་པའི་རྒྱལ་པོ་དེ་བཞིན་གཤེགས་པ་དགྲ་བཅོམ་པ་ཡང་དག་རྫོགས
336b6 པའི་སངས་རྒྱས་དེ་དག་ཡོངས་སུ་མྱ་ངན་ལས་འདས་ནས། ། སྔ་རྒྱ་བ་ཐ་མ་ལ་དམ་པའི་ཆོས་ནུབ་པར་འགྱུར་བའི་དུས་ཀྱི་ཚེ། དམ་པའི་ཆོས་རབ་ཏུ་འཇིགས་པར་འགྱུར་བ་ན། ཀུན་དགའ་བོ་རྒྱལ་པོ
336b7 དཔའ་བས་བྱིན་ཞེས་བྱ་བ་ཞིག་བྱུང་སྟེ། རྒྱལ་པོ་དབའ་བས་བྱིན་དེ་ལ་བཙུན་མོའི་འཁོར་ནི་བུད་མེད་བརྒྱད་ཁྲི་བཞི་སྟོང་ཡོད་དོ།། བུ་ནི་སྟོང་ཡོད་དོ།། བུ་མོ་ནི་ལྔ་བརྒྱ་ཡོད་དོ།། དེའི་ཚེ་དེའི་དུས་ན།
iiif viewer powered by OpenSeadragon
