| e-texts navigator |
| Wylie |
336a1 དེ་དག་ནི་ལག་པ་བཅད་པས་ཡོངས་སུ་ཉམས་པར་མི་འགྱུར། རྐང་པ་བཅད་པས་ཡོངས་སུ་ཉམས་པར་མི་འགྱུར། རྣ་བ་བཅད་པ་དང་། སྣ་བཅད་པས
336a2 ཡོངས་སུ་ཉམས་པར་མི་འགྱུར། མིག་ཕྱུང་བ་དང་མགོ་བཅད་པས་ཡོངས་སུ་ཉམས་པར་མི་འགྱུར་ལུས་དང་ཡན་ལག་བཅད་པས་ཡོངས་སུ་ཉམས་པར་མི་འགྱུར་ཏེ། སྡུག་བསྔལ
336a3 སྣ་ཚོགས་ཀྱང་མི་མྱོང་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་མྱུར་དུ་མངོན་པར་རྫོགས་པར་འཚང་རྒྱའོ།། །། འཕགས་པ་ཏིང་ངེ་འཛིན
336a4 ཀྱིགྱི་རྒྱལ་པོའི་མདོ། ། བམ་པོ་བཅུ་གཉིས་པ།། ། ཀུན་དགའ་བོ་རྣམ་གྲངས་འདིས་ཀྱང་འདི་ལྟར་རིག་པར་བྱ་སྟེ། ཀུན་དགའ་བོ་སྔོན་བྱུང་བ་འདས་པའི་དུས་ན། བསྐལ་པ་གྲངས
336a5 མེད་པ་བས་ཀྱང་ཆེས་གྲངས་མེད་པ་ཚད་མེད་པ། བསམ་གྱིས་མི་ཁྱབ་པ། གཞལ་དུ་མེད་པ། མཚུངས་པ་མེད་པར་གྱུར་པ་དེའི་ཚེ་དེའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག
336a6 པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས
336a7 ཀྱི་སྟོན་པ། སངས་རྒྱས་བཅོམ་ལྡན་འདས་རིན་པོ་ཆེའི་པདྨའི་ཟླ་བ་རྣམ་པར་དག་པ། མངོན་པར་འཕགས་པའི་རྒྱལ་པོ་ཞེས་བྱ་བ་འཇིག་རྟེན་དུ་བྱུང་ངོ་།། ཡང་དེའི་ཚེ་དེའི་དུས་ན།
iiif viewer powered by OpenSeadragon
