| e-texts navigator |
| Wylie |
333b1 བསྟན་པ་ལ་ཡང་ཚངས་པར་སྤྱོད་པ་སྤྱད།། དེར་ཡང་བུད་མེད་དངོས་པོ་བསྒྱུར་ནས་སུ།། དེ་ཚེ་དེ་ནི་དགེ་སློང་ཆོས་སྨྲར་གྱུར།། རྟག་ཏུ་དམ་པའི་ཆོས་ནི་ཡོངས་འཛིན་པ།། མི་དབང་ཡེ་ཤེས
333b2 སྟོབས་ནི་བྱམས་པ་ཡིན། ། མར་མོ་མཛད་ནི་ཆོས་སྨྲ་དེར་གྱུར་ཏེ།། དེ་ཚེ་ང་ནི་རྒྱལ་པོའི་བུ་མོར་གྱུར།། ལྷ་མོ་སྔོན་གྱིས་སྣག་གི་གཉེན་གྱུར་པ།། མི་དབང་ཡེ་ཤེས་སྟོབས་ཀྱི་ཕྱིར་འབྲང་ཞིང་།
333b3 རྒྱལ་པོའི་རྨི་ལམ་དུ་ཡང་སྟོན་པ་ནི།། མི་འཁྲུགས་སྤྱད་པ་སྤྱོད་ཚེ་དེར་གྱུར་ཏོ།། ཏིང་འཛིན་འདི་ནི་རབ་ཏུ་འདོད་པའི་ཕྱིར།། གཡོ་སྒྱུ་ཐམས་ཅད་ཡོངས་སུ་སྤངས་ནས་སུ།། བདག་གི་ཤ
333b4 དག་དང་ནི་ཁྲག་གིས་ཀྱང་། ། ཆོས་སྨྲ་བ་ལ་ངས་ཀྱང་རིམ་གྲོ་བྱས།། དགེ་སློང་ན་བན་ཚས་གཟིར་བ་དེ།། གང་དག་མཐོང་ནས་དེ་ཚེ་ངུས་པ་ཡང་།། ཕྱིར་མི་ལྡོག་པར་དེ་དག་རབ་གྱུར་ཏེ།
333b5 ལོག་པར་ལྟུང་བའི་སར་ནི་ཡོད་མ་སོང་།། དེ་དག་རྟག་ཏུ་མིག་ཀྱང་ན་བ་མེད།། ཀླད་པའི་ནད་མེད་རྣ་བའི་ནད་མེད་དེ།། སྣ་ཡི་ནད་མེད་ལྕེ་ཡི་ནད་ཀྱང་མེད།། སོ་ཡང་ན་བར་ནམས་ཀྱང
333b6 མ་གྱུར་ཏོ། ། དགེ་སློང་ན་བ་དེ་ཚེ་སུ་བསྙེན་པ།། དེ་དག་རྟག་ཏུ་ཀུན་ནས་མཛེས་པར་གྱུར།། སུམ་ཅུ་རྩ་གཉིས་བསོད་ནམས་བརྒྱ་པའི་མཚན།། དཔལ་དང་གཟི་བརྗིད་དག་གིས་ལུས
333b7 ཀྱང་འབར། ། དེ་དག་ང་ཡི་བསྟན་ལ་རབ་བྱུང་ནས།། རབ་ཏུ་འཇིགས་དུས་བྱང་ཆུབ་དམ་པ་འདི།། དེ་བཞིན་གཤེགས་པའི་མཛོད་ཀྱང་བཟུང་ནས་ནི།། སངས་རྒྱས་བྱེ་བ་སྟོང་དག་མཐོང་བར
iiif viewer powered by OpenSeadragon
