| e-texts navigator |
| Wylie |
328b1 ལྟ་བུ་འཛིན་པའི་དགེ་སློང་སྲོག་བཅད་པར་གྱུར་ཏོ། ། གཞོན་ནུ་དེའི་ཚེ་དེའི་དུས་ན། རྒྱལ་པོ་ཡེ་ཤེས་ཀྱི་སྟོབས་ཞེས་བྱ་བ་འཛམ་བུའི་གླིང་ལ་དབང་བ། དམ་པའི་ཆོས་ཡོངས་སུ་འཛིན་པ་སྔོན་གྱི
328b2 སྨོན་ལམ་ཕུན་སུམ་ཚོགས་པ་ཞིག་བྱུང་སྟེ། གཞོན་ནུ་ཡང་དེའི་ཚེ་དེའི་དུས་ན། འཛམ་བུའི་གླིང་འདིར་དགེ་སློང་ཡང་དག་བློ་གྲོས་ཞེས་བྱ་བ་ཏིང་ངེ་འཛིན་འདི་འཛིན་པ་དང་། ཆོས་སྨྲབ
328b3 རྒྱལ་པོ་དེའི་ཕོ་བྲང་དུ་འགྲོ་ཞིང་། དགེ་བའི་བཤེས་གཉེན་བྱེད་པ། ཕན་པར་འདོད་པ། སྙིང་བརྩེ་བ་དོན་ཏུ་འདོད་པ་ཞིག་བྱུང་སྟེ། རྒྱལ་པོ་དེ་ཡང་དེ་ལ་རྒྱུན་མི་ཆད་པར་བལྟ་བས་མི
328b4 ངོམ་སྟེ་རྟག་ཏུ་འདོད་པར་གྱུར་ཏོ། ། དེ་ཡང་བསྟན་པ་དང་། ཆོས་ཀྱི་གཏམ་བྱ་བ་དང་། ཉེ་བར་འགྲོ་བ་དང་། བསྙེན་བཀུར་བྱ་བ་དང་། ཡོངས་སུ་དྲི་བ་དང་། གཟུང་བ་དང་། ཚིག
328b5 གིས་གོ་བར་བྱེད་ནུས་ཤིང་དགེ་སློང་ཆོས་སྨྲ་བ་དེ། སེམས་ཅན་དྲག་གི་གཡོ་བ་དང་། སྤྱོད་ལམ་དང་། མོས་པ་དང་། ཁམས་དང་། བག་ཆགས་ལ་མཁས་ཏེ། སེམས་ཅན་རྣམས་ཀྱི
328b6 དབང་པོ་དང་། སྟོབས་དང་། བརྩོན་འགྲུས་ཀྱི་རིམ་པ་ཤེས་ཤིང་། ཁམས་དང་། བག་ཆགས་ལ་ཡང་མཁས། བདེན་པ་དང་མཚམས་སྦྱར་བ་ལ་ཡང་མཁས། མཚམས་དཔྲལ་བ་དང་།
328b7 ཚིག་གི་ལན་གཏན་ལ་དབབ་པ་ལ་ཡང་མཁས། སྤོབས་པ་ཟབ་སེམས་ཅན་ཐམས་ཅད་འདུལ་བའི་ཆོ་ག་ལ་ཡང་མཁས། གསོང་པོར་སྨྲ་ཞིང་བཞིན་ལ་ཁྲོ་གཉེར་མེད་པ། སེམས་ཆེན་པོར
iiif viewer powered by OpenSeadragon
