| e-texts navigator |
| Wylie |
326a1 བུའི་གླིང་འདི་གང་བར་གྱུར། ། ལྷ་མོ་བྱེ་བ་ཁྲག་ཁྲིག་རྣམས།། གླུ་དབྱངས་རོལ་མོ་རབ་ཏུ་བྱེད།། དེ་ཚེ་བདེ་བས་བྱིན་པ་ཡིས།། སྒྲ་འདི་དག་ནི་ཕྱུང་བ་ན།། རྣམ་འདྲུལ
326a2 འདི་ནི་སངས་རྒྱས་དག། བྱེ་བ་སྟོང་གིས་གཟིགས་པར་འགྱུར།། རང་རང་གི་ནི་ཞིང་དག་ཏུ།། དགེ་སློང་ཕ་དང་དགེ་སློང་མ།། དགེ་བསྙེན་མ་དང་དགེ་བསྙེན་ལ།། གྲགས་པ་ཆེན་པོ་ག
326a3 བར་མཛད། ། དགེ་སློང་བདེ་བས་བྱིན་པ་དེ།། མཁས་ཤིང་སྟོབས་ཀྱང་ཆེ་བ་སྟེ།། སངས་རྒྱས་ཀྱི་ནི་ཡེ་ཤེས་ཕྱིར།། དེས་ནི་ལག་པ་འབར་བར་བྱས།། དེ་ཡིས་ཞིང་རྣམས་སྟོང་དག་དང་།།
326a4 གངྒཱ་ཡི་ནི་བྱེ་མ་སྙེད།། མར་མེ་དེས་ནི་སྣང་བྱས་ཏེ།། སྲེག་པའི་བསྐལ་པ་བྱུང་བ་བཞིན།། མེ་ཏོག་དང་ནི་ཕྱེ་མ་ཡིས།། ཞིང་རྣམས་ཐམས་ཅད་གང་བར་གྱུར།། ས་གཞི་དག་ནས་ཡན་ཆད
326a5 དུ། ། པུས་ནུབ་ཙམ་དུ་གང་བར་གྱུར།། རིན་ཆེན་མེ་ཏོག་ཐམས་ཅད་ཀྱིས།། སངས་རྒྱས་ཞིང་འདི་གང་བར་གྱུར།། བདེ་བས་བྱིན་ལ་མཆོད་པའི་ཕྱིར།། ཀླུ་རྣམས་མུ་ཏིག་ཆར་པ་འབེབས།། རིན
326a6 ཆེན་བཀོད་པ་ཐམས་ཅད་ཀྱིས། ། ཞིང་འདི་རབ་ཏུ་བརྒྱན་པར་གྱུར།། བདེ་བས་བྱིན་ལ་མཆོད་པའི་ཕྱིར།། མུ་ཏིག་རིན་ཆེན་ཤིན་ཏུ་བཀྲམ།། ལྷ་དང་ཀླུ་དང་གནོད་སྦྱིན་དང་།། མི་འམ་ཅི་དང་ལྟོ་འཕྱེར
326a7 བཅས། ། གངྒཱ་ཡི་ནི་བྱེ་མ་སྙེད།། བྱང་ཆུབ་མཆོག་ལ་ཞུགས་པར་གྱུར།། བྱ་རྒོད་བུངས་པོའི་རི་ལ་ཡང་།། སངས་རྒྱས་ཤཱཀྱ་སེང་གེ་ནི།། དགེ་སློང་དག་གི་དགེ་འདུན་མདུན།། རྒྱལ་བ་སེང
iiif viewer powered by OpenSeadragon
