| e-texts navigator |
| Wylie |
321b1 བརྒྱ་སྟོང་ཕྲག་བརྒྱད་ཁྲི་བཞི་སྟོང་བྱས་ཏེ། མཆོད་རྟེན་རེ་རེ་ལ་ཡང་མར་མེའི་ཡོན་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཁྲི་བཞི་སྟོང་བཙུགས་སོ།། དེ་བཞིན་དུ་མཆོད་རྟེན་རེ་རེ་ལ་ཡང་རོལ་མོ་དང་། སིལ
321b2 སྙན་དང་། མེ་ཏོག་དང་། བདུག་པ་དང་། སྤོས་དང་། འཕྲེང་བ་དང་། བྱུག་པ་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། བ་དན་བྱེ་བ་ཁྲག་ཁྲིག
321b3 བརྒྱ་སྟོང་ཕྲག་བརྒྱད་ཁྲི་བཞི་སྟོང་ཕུལ་ལོ། ། གཞོན་ནུ་འདི་ལྟར་རྒྱལ་པོ་དཔལ་དཔྱད་ཀྱིས་མཆོད་རྟེན་དེ་བཞིན་གཤེགས་པའི་རིང་སྲེལ་གྱི་སྙིང་པོ་ཅན་ལ་མཆོད་པ་བྱས་ནས། བྱང་ཆུབ་སེམས
321b4 དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུའི་བྱང་ཆུབ་སེམས་དཔའ་མང་པོ་བསགས་ནས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ལ་བདེ་བའི་ཡོ་བྱད་ཐམས་ཅད་ཀྱིས་མཆོད
321b5 པ་ལ་བརྩོན་པར་གྱུར་ཏོ། ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ཀྱང་ཆོས་སྨྲ་བ་ཡིན་ཏེ། སྤོབས་པ་རྒྱུན་མི་འཆད་པ་ཏིང་ངེ་འཛིན་རབ་ཏུ་ཐོབ་པ། ཆགས་པ་མེད
321b6 པའི་གཟུངས་རབ་ཏུ་ཐོབ་པ། ཡང་དག་པའི་ཡོན་ཏན་གྱི་ཆོས་སྟོན་པ། ཡོངས་སུ་དག་པའི་ཆོས་སྟོན་པ། བྱང་ཆུབ་སེམས་དཔའི་དབང་དམ་པའི་ཕ་རོལ་ཕྱིན་པ་ཤ་སྟག་གོ།། གཞོན་ནུ་དེའི
321b7 ཚེ་དེའི་དུས་ན། འཁོར་དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་བདེ་བས་བྱིན་ཞེས་བྱ་བ་ཡོད་དེ། བྱིས་པ་གཞོན་ནུ་སྐྲ་གནས་པ། དང་པོའི་ལང་ཚེ་དང་ལྡན་པ། ན་ཆོད་དར་ལ
iiif viewer powered by OpenSeadragon
